Proverbios 25:12 - Biblia Enxet

¹² Megkaxnawok ektaqmalma ektémakxa nak chá'a kélnókáseykha énxet apmomo nak chá'a takha' kélnókáseykha m'a kélatchesso kélaphék sawo ekyátekto, tén han ma'a kélnatanma.

Proverbios 25:12 ပူးပေါင်းရင်းမြစ်များ

2 Samuel 1:24

“¡Kóllekxagwaha kelán'ák nak Israel, eñama apketsapma Saúl, apkelmeyáseykegko axta chá'a yaqwayam kólántaxnekxak ma'a apáwa hómáyok, tén han ma'a apáwa apkeláxñe nak, apkelnáxegkáseykencha'awo axta chá'a apkelméssama m'a aqsok éltaqmalma élánamáxche nak sawo ekyátekto élmomnáwa!

Job 28:17

Mogwanchek aghéshok ma'a sawo ekyátekto ekmomnáwa, tén han sokpésyam ekmomnáwa nak; mogwanchek agyaqmagkásekxak ma'a aqsok élánamáxche nak sawo ekyátekto ekmomnáwa.

Job 42:11

Keñe axta apkelyo'ókmo apyókxoho aptáha meyk'a m'a apkelyáxeg apkelennay'a, tén han kelwán'ák tén han ma'a apnámakkok nak, keñe han ma'a apyókxoho nanók apkelweteykxa nak, apkelánegkek axta xamók ektámáxche ekyawe m'a apxagkok. Apkelxénchek axta han éllapwámegkoho xamo', tén axta aptaqmelchessásekxo apwáxok, eñama m'a ekyókxoho aqsok ekmaso apchahe axta m'a Wesse' egegkok. Xama axta han chá'a apmeyásak selyaqye, tén han ma'a kélatchesso kélaphék sawo ekyátekto ekmomnáwa.

Salmos 141:5

Hepasmok chá'a ko'o señassásegkoho enxoho m'a énxet meyke nak aptémakxa, máxa sokmátsa ekmátsal'a ekpaqneyam chá'a katnehek ma'a sepaqhetchesa enxoho ekyennaqte. Mataqnókkehek chá'a ko'o xa sepékessáseyak nak; alenxanmagkohok sa' aqsa sélmaxnagko, neyseksa setekpageykha.

Éxodo 32:2

Aptáhak axta apchátegmowágkokxo Aarón se'e: —Kólhaxyawássesák sa' élchenméhe kélnaqteyegka'a sawo ekyátekto élmomnáwa, tén han kélketchek apkelennay'a, kelwán'ák, cham'a élatchesso nak chá'a aheyk'ák, hélsantagkas sa' se'e.

Éxodo 35:22

Apkelxegakmek axta énxet tén han kelán'a, apkelsókmek axta apyókxoho apmáheyo apagko' nak chá'a egkések tén han ekmáheyo agko' nak chá'a apwáxok egkések ma'a yánsóketáma', kélatchesso kélaphék, sawo élyaqye, kélchenméhe sawo ekyátekto ekmomnáwa, tén han ma'a ekyókxoho mók ektémakxa nak chá'a aqsok étkók éltaqmalma sawo ekyátekto élmomnáwa. Xama xama axta chá'a apsókmok ma'a aqsok apmésso naqsa apagkok ektaqmalma sawo ekyátekto ekmomnáwa, apkelmésso chá'a m'a Wesse' egegkok.

Proverbios 15:5

Megyeyxók appaqhetchesso apyáp ma'a énxet ekyeyháxma nak; keñe m'a apkelyeheykekxoho nak chá'a, cháxa apxekmósa apteme ekha apya'áseyak aqsok.

Proverbios 20:12

Wesse' egegkok axta apkelane s'e egheyk'ák nak, yaqwayam anlegak chá'a amya'a, tén han egaqta'ák yaqwayam agwetak chá'a aqsok.

Proverbios 9:8

Apkeltennásekxók sa' agkok xép aqsok apkelane m'a énxet megkeyxnegwayam nak chá'a appeywa, etaqnók sa'; apnókáseyha sa' agkok xép ma'a énxet apya'áseykegkoho nak aqsok, yásekhohok sa'.

Eclesiastés 7:5

Tásek hempaqhetchesek ekyennaqte m'a énxet ekha nak apya'áseyak aqsok, megkaxnawok senxéneykha ektaqmela m'a énxet ekyeyháxma nak.

Ezequiel 16:12

étchessessek axta nahan élyenma étkok ma'a awéhek, keñe sélatchessesa nahan aheyk'ák ma'a élchenméhe, keñe xama élháxaqxo ektaqmalma agko' ma'a akqátek nak.