Proverbios 24:7 - Biblia Enxet

⁷ Mey'asagkehek chá'a yaqwánxa etnehek appeywa énxet ekyeyháxma aphakmo enxoho m'a sẽlyekpelchémókxa nak, hakte megkeytnók aphakxa m'a negya'áseykegkoho nak aqsok.

Proverbios 24:7 ပူးပေါင်းရင်းမြစ်များ

Job 31:21

Axta ko'o eynnaqtéssók chá'a sekpeywa xama enxoho alának ma'a apkelyéheykha nak, wásenneykxak ma'a sélxegexma'a énxet'ák segyekpelchémo nak.

Job 5:4

Méko han kapasmok ma'a apketchek nak; megkólpékessessók han chá'a kélteméssesakxa m'a sẽlyekpelchémókxa nak, méko han kátegmakkasagkok chá'a amya'a.

Salmos 10:5

Tásek chá'a katnehek ekteyapma m'a ekyókxoho aqsok apkelánégkaxa enxoho. Megkaxegkáseykha elya'asagkohok ma'a ektémakxa nak xép apkelyekpelchémo énxet'ák. Elesmaksek aqsa m'a apkelenmexma nak,

Salmos 127:5

¡Apkeleñémo énxet ekxámokma nak yágke aktek apagkok, ektéma nak xa! Mexók sa' chá'a m'a apkelenmexma nak, apkelenmexákxo enxoho chá'a nápaqta'awók ma'a segyekpelchémo nak.

Proverbios 14:6

Etegyaha eykhe apya'áseykegkoho aqsok ma'a énxet apwañémo nak chá'a aqsok, méteyágwomek eyke; keñe m'a apmopwána nak aqsok, yeskohok chá'a étak apya'áseyak aqsok.

Proverbios 15:24

Néten maheykegkok ma'a ámay ekyennaqte nak egnények, kawagkasek chá'a teyp emáwhok emhagkok nétsapmakxa m'a énxet apya'áseykegkoho nak aqsok.

Proverbios 17:16

Kaqhok exegmak énxet ekyeyháxma esógmak selyaqye yaqwayam emok negya'ásegwayam aqsok, méko apya'áseyak.

Proverbios 17:24

Apya'ásegwayam aqsok aqsa kaxének apwáxok étak ma'a énxet apmopwána nak aqsok, keñe m'a ekyeyháxma nak, mey'asagkehek chá'a yaqwánxa elána'.

Proverbios 17:7

Megkatxók chá'a epaqmétek nempeywa ektaqmela m'a énxet ekyeyháxma nak, megkatxók han etnehek apmopwána amya'a m'a ekha nak chá'a kéláyo.

Proverbios 22:22

Ná etwasagkoho chá'a m'a meyke nak aqsok apagkok, eñama apteme meyke aqsok apagkok, ná eyaqhap eltamhok esexnenak nápaqta'awók segyekpelchémo m'a meyke nak ekmasma,

Proverbios 28:5

Melya'ásegkok aqsok ekpéwomo m'a élyeyháxma nak, apkelya'ásegkók eyke ekyókxoho m'a apkelye'eykekxa nak chá'a Wesse' egegkok.

Proverbios 31:23

Kólya'asagkohok han chá'a atáwa' m'a apyawakxa nak tegma, exek chá'a nepyeseksa énxet'ák ekyawe agko' nak chá'a kéláyo.

Isaías 29:21

cham'a énxet'ák appehésseyam nak aqsa chá'a pók apkelane aqsok ekmaso, apmopwancha'a nak chá'a apkelpeywa elyexanchesha m'a énxet'ák segyekpelchémo, aptamhéyak nak chá'a apkelmopwancha'a amya'a megyánhek kóltaqmelchessásekxak apha m'a énxet meyke nak aptémakxa.

Isaías 32:6

Hakte asagkek chá'a katnehek appeywa m'a énxet ekmaso nak aptémakxa, keñe m'a apwáxok nak kalchetmok chá'a ekmaso agko' yaqwánxa etnehek; ektamok chá'a yaqwánxa etnehek elának aqsok ekmaso agko', apmopwána amya'a nahan chá'a etnehek yenmexmakha m'a Wesse' egegkok; yáphaksek aqsa nahan chá'a etaqhekxak meyke apmésso apto m'a meyk áto nak, megyagkek nahan yegmen ma'a hem áto' nak.

Amós 5:10

¡Kéxegke laye, kéltaqnagko nak chá'a m'a énxet apmasma nak nentémakxa ekpéwomo, tén han megkaleklo nak chá'a kélwáxok ma'a apteméssesso nak chá'a naqsók appeywa!

Amós 5:12

Ekya'ásegkók ko'o ekxámokma m'a kéltémakxa ekmaso, tén han ekyawe agko' megkólya'assáxma: kóltawasagkohok chá'a m'a ektaqmalma nak aptémakxa, kólmok chá'a selyaqye yaqwayam megkólxének ektemegweykmohóxma, keñe m'a sẽlyekpelchémókxa nak kóltamhok chá'a megkamaxcheyk aqsok apkelxeyenma m'a apkelmopyóseka nak.

Amós 5:15

¡Kóltaqnow aqsok ekmaso! ¡Kólásekhoho m'a aqsok ektaqmela! Kólána kalanaxchek ekpéwomo kéllánekxésso amya'a énxet'ák ma'a sẽlyekpelchémókxa nak; lapmaxcheyk sa' kexa kalepyóshok elanok Wesse' egegkok, Dios ekha nak apyennaqte énxet'ák Israel apkeleymomap nak ektáha enxoho xa ektáha nak.