Proverbios 24:30 - Biblia Enxet

³⁰ Ekyeykhágwokmek axta ko'o m'a yókxexma apagkok nak ma'a énxet apháxamakpoho nak etneykha, tén han apkeneykekxexa nak anmen yámet ma'a énxet ekyeyháxma nak:

Proverbios 24:30 ပူးပေါင်းရင်းမြစ်များ

Job 15:17

Yeyxho sa' sekpeywa, altennaksek sa' xép ma'a aqsok sekya'áseyak eñama sekwete,

Job 4:8

Yetneyk ko'o ektémakxa sekwete énxet apkelane nak aqsok ekmaso agko', kápekxohok agko' chá'a m'a ektémakxa nak aqsok ekmaso aptekkesso.

Job 5:27

Cháxa ektémakxa senxekmósso aqsok negwete nak; yeyxho sa' xa sektáhakxa nak, elano sa' yaqwayam ey'asagkoho'.

Salmos 107:42

Kalpayhekxak chá'a apkelwáxok énxet'ák meyke nak apkeltémakxa apkelwet'a enxoho xa, keñe chá'a elwanmeyagkok ma'a élmasagcha'a nak apkeltémakxa.

Salmos 37:25

Étkok axta ko'o, sekwányamók eyke kaxwók ektáhak, makke ateyk makham meyke ekpasmo m'a énxet meyke nak aptémakxa, mateyk nahan elmaxneyha aqsok énxet'ák ma'a apketchek.

Proverbios 10:13

Tásek chá'a katnehek apkelpeywa m'a énxet apkelya'áseykegkoho nak aqsok; keñe m'a énxet ekyeyháxma nak, kéméxcheyk chá'a kólyekpexchetchesek apkapok.

Proverbios 12:11

Xámok katnehek apto m'a énxet apkelchekhamo nak; keñe m'a énxet meyke nak ekxeyenma apwáxok, wánxa aqsa elának ma'a aqsok megkamowána nak kapasmok.

Proverbios 13:4

Apmenyeyk eykhe katnehek aqsok apagkok ma'a énxet apháxamákpoho nak chá'a etneykha, métyehek eyke; xámok eyke katnehek aqsok apagkok ma'a énxet ekha nak aptamheykha.

Proverbios 6:32

¡Meyke ekxeyenma apwáxok aqsok ma'a énxet apkelánesso nak pók aptáwa'! ¡Apsexnánémap apagko' etnehek énxet apteme enxoho xa ektáha nak!

Eclesiastés 10:18

Énxet megkayaqwayam nak etneykha katyamok chá'a appakxanma; keñe m'a melane agko' nak aqsok, apyókxoho apxagkok chá'a etyamok.

Eclesiastés 7:15

Ékeso sekweteya nak chá'a neyseksa sekweynchámeykha s'e, ektáha nak aqsok eyaqhémo agweta': emassegwomhok chá'a m'a énxet'ák élpéwomo nak apkeltémakxa, neyseksa apteme élpéwomo apkeltémakxa, keñe m'a énxet'ák élmasagcha'a nak apkeltémakxa, neyseksa eykhe apkeláneyak apkeltémakxa ekmaso, exmakha chá'a ekwenaqte agko'.