Proverbios 24:25 - Biblia Enxet

²⁵ keñe m'a énxet aplegassáseykegkoho nak ma'a apsexnánémap nak, tásek chá'a katnehek ektáhakxa, kalkohok han apwáxok aptáhakxa m'a énxet'ák.

Proverbios 24:25 ပူးပေါင်းရင်းမြစ်များ

Nehemías 13:17

Keñe axta sélpaqhetchesa ekyennaqte m'a apkelámha apmonye'e nak Judá, sektáha séláneya s'e: —Asagkók agko' nak la'a kéltáhakxa kéltawáseyncha'a m'a ekhem sábado.

Nehemías 13:25

Élpaqhetchessegkek axta ko'o ekyennaqte, tén axta séltémo kaltemégwomhok exma ekmaso. Nápakha axta han chá'a élnápeykha, tén han seyápetchessama chá'a apwa'ák, keñe axta séltémo etnéssesek naqsók apkelpeywa nápaqto' Dios megyohok chá'a kalmagkok apketchek kelwán'ák tén han apkelennay'a m'a megkatnaha nak appeywomo xamo', tén han megyohok etnahagkok apnaqteyegka'a apketchek apkelennay'a m'a kelán'ák nak, tén han xa énxet'ák nak. Axta ekteme han sélanagkama s'e:

Nehemías 13:28

Ektekkessegkek axta han sekhakxa m'a Joiadá apketche, apketche axta m'a Eliasib, apteme axta apkemha apmonye' apkelmaxnéssesso Dios énxet'ák apagkok, apepháyem axta m'a Sambalat, apteme axta horonita.

Proverbios 24:26

Ekpayhémo nak negátegmowéyak, cháxa ekteme ekyetna nélásekhamaxkoho xa.

Proverbios 28:23

Énxet apnókáseykha nak chá'a pók, kalkohok sa' chá'a apwáxok natámen, megkatnehek sa' ma'a ektaqmeleykha nak chá'a appeywa elának pók.

Levítico 19:17

“Nágkalow chá'a kélwáxok kólwetak kélmók, “Kólpaqhetches chá'a kélmók eyesagko enxoho chá'a aptáhakxa. Kaphewakxa katnehek kéxegkáxa megkólya'assáxma.

1 Samuel 3:13

Éltennassegkek axta ko'o allegássesagkohok ma'a énxet'ák apagkok meyke néxa, eñama apkeltémakxa élmasagcha'a, apya'ásegkok eyke m'a; hakte exéneykha axta chá'a ko'o ekmaso m'a apketchek nak, axta han elnókáseykha chá'a.