Proverbios 24:23 - Biblia Enxet

²³ Keso apkelxeyenma han apkelya'áseykegkoho nak aqsok se'e: Megkapayhawok anteméssesek apyeykhamap pók nenlányo énxet ma'a sẽlyekpelchémókxa nak.

Proverbios 24:23 ပူးပေါင်းရင်းမြစ်များ

2 Crónicas 19:7

Kóláwho sa' chá'a Wesse' egegkok, kóllanagkoho sa' chá'a m'a aqsok kéllanakxa enxoho, hakte mopmenyék agko' Dios Wesse' egegkok ma'a aqsok megkapéwomo nak, tén han apyeykhamap nak anlanok pók egmók, tén han nenxawe nak selyaqye yaqwayam manxének ekpayhawo nak eykhe anxének.”

Job 13:8

Kélpasmeykekxeyk kéxegke m'a, máxa kélmasma kélmáheyok kóltéhek ma'a ektémakxa nak.

Salmos 107:43

Énxet apya'áseykegkoho nak aqsok, kéméxcheyk ey'asagkohok xa, tén han ey'asagkohok segásekhayo m'a Wesse' egegkok.

Proverbios 1:6

yaqwayam enxoho ey'ásegwók ma'a ektémakxa nak chá'a apkelxeyenma m'a apkelya'áseykegkoho nak chá'a aqsok, tén han ektémakxa nak chá'a apkelpeywa, apyetcháseykekxoho, tén han ma'a ekmáske nak agya'asagkoho'.

Proverbios 18:5

Megkapayhawok elxének chá'a énxet'ák segyekpelchémo meyke apkeltémakxa m'a ektáha nak chá'a apkelsexnánémap, megkapayhawok han chá'a elsexnenak ma'a énxet meyke nak apkeltémakxa'.

Proverbios 22:17

Etaqmelchesho apháxenmo ekyókxoho aqsok apkelxeyenma nak ma'a apkelya'áseykegkoho nak aqsok; epekken apwáxok ma'a ektáhakxa enxoho sélxekmósso.

Proverbios 28:21

Megkapayhawok antéhek apyeykhamap pók anlanok egnámakkok; megkeyxek henlanaksek magya'assáxma m'a selyaqye étchetse nak.

Oseas 14:9

Kéméxcheyk elya'asagkohok apkelmopwancha'a nak aqsok, tén han ekha nak apkelya'áseyak aqsok se'e amya'a nak: Kelpéwók agko' ámay apagkok ma'a Wesse' egegkok, elyetlók chá'a m'a énxet'ák apkelpéwomo nak, keñe m'a énxet'ák élmasagcha'a nak apkeltémakxa kalpelápagkasek chá'a.

Levítico 19:15

“Kélxénchek sa' agkok chá'a yaqwánxa kólteméssesek xama énxet, nágkólteme chá'a megkapéwomo kéltémakxa': nágkólteme chá'a apyeykhamap pók kóllano', cham'a meyke nak aqsok apagkok, tén han ma'a ekxákma nak aqsok apagkok. Nágkólyetnakhássem chá'a nentémakxa ekpéwomo kélxéna enxoho chá'a yaqwánxa kólteméssesek ma'a énxet.

Deuteronomio 1:17

Kélxénchek sa' agkok nahan chá'a yaqwánxa kólteméssesek, nágkólteme xama enxoho apyeykhamap pók kóllanok ma'a énxet, kóllánekxés chá'a amya'a m'a énxet'ák apmopyóseka nak tén han ma'a énxet'ák ekha nak kéláyo, meyke kélaye xama enxoho, hakte Dios keñamak xa nélyekpelchamáxkoho nak. Kélya'aweykxéssek sa' agkok chá'a m'a ektemegweykmohóxma ekyentaxno, magmowána nak anlánekxa', hélyo'ótagkas sa' chá'a ko'o, yaqwayam sa' ko'o alánekxések.’

Deuteronomio 16:19

Nágkólyetnakhássem chá'a m'a ekpéwomo nak kéllánekxésso amya'a kélnámakkok, nágkóltemésses chá'a apyeykhamap pók kóllanok énxet nepyeseksa m'a pók énxet'ák nak, nágkólma chá'a kólxawak selyaqye kóláneyxchek megkólxének aqsok kélwete, hakte máxa meyke apaqta'ák chá'a katnésseshok énxet'ák apkelya'áseykegkoho nak chá'a aqsok ma'a apma nak chá'a exkak selyaqye yaqwayam mexének ma'a aqsok apwete, katwássesha nahan chá'a apkelpeywa m'a énxet'ák apkelpéwomo nak.