Proverbios 24:12 - Biblia Enxet

¹² Exének sa' eykhe mey'ásegko exchep, sa' eyke ey'asagkohok ma'a apkelányo nak chá'a egwáxok; ey'asagkohok sa' ma'a ektáha nak chá'a apkeláneykha, apyaqmagkáseykekxa nak chá'a mók aqsok nenlane.

Proverbios 24:12 ပူးပေါင်းရင်းမြစ်များ

Job 34:11

Eyaqmagkásekxohok eyke chá'a ektémakxa aqsok apkelane xama énxet ma'a; etnéssesek chá'a m'a ekpayhawo nak chá'a etnéssesek.

Salmos 121:3

¡Megyohók sa' chá'a exchep etáxña'! ¡Metyenek sa' chá'a xama enxoho m'a apkeláneykha nak xép!

Salmos 121:8

Etaqmelchesek chá'a exchep Wesse' egegkok apmahágkaxa enxoho chá'a apxega, keso kaxwo' nak, tén han megkatnégwayam néxa.

Salmos 17:3

Apya'ásegkok xép élchetámeykha ewáxok; axta'a chá'a hey'ótak hélanha; apkelányók xép sektémakxa ektémól'a kóllanok ektémakxa ektaqmalma kólwatnek ma'a sawo, meteyk xama enxoho ekmaso sektémakxa. Maxeyenmak ma'a aqsok megkapayhawo nak axének

Salmos 44:21

ey'asagkohok axta exchep, hakte apya'ásegkok xép ektémakxa nak ekpaqméteykha kañók agko' apwáxok énxet.

Salmos 66:9

Hakte cha'a keñamak nélweynchámeykencha'a negko'o makham ma'a; megyahayók hẽlpelápagkasek.

Salmos 7:9

Dios appéwomo, apkelányo nak chá'a ektémakxa élchetámeykha egwáxok, tén han ekxéneykha egwáxok kañók agko', ¡emasséssem apkeltémakxa ekmaso m'a élmasagcha'a nak apkeltémakxa, eyke ewasqakkas neyseksa apha m'a énxet meyke nak aptémakxa!

Salmos 94:9

¿Meñéya sa' ma'a apkelane nak chá'a egheyk'ák? ¿Métyeheya sa' chá'a m'a apkelane nak chá'a egaqta'ák?

Proverbios 12:14

Aqsok ektaqmela nak chá'a nenxeyenma, awanchek hempasmekxa', anxewekxak han chá'a ekyánmaga aqsok nenlane.

Proverbios 16:2

Yának chá'a kataqmelak ekyókxoho aqsok apkelanakxa enxoho m'a énxet, Wesse' egegkok eyke apteme apyekpelchémo m'a ektémakxa nak chá'a apwáxok.

Proverbios 21:2

Yának chá'a kataqmelak ekyókxoho aqsok apkelanakxa enxoho m'a énxet, Wesse' egegkok eyke apteme apyekpelchémo m'a ektémakxa nak chá'a apwáxok.

Proverbios 5:21

Apkeláneykha chá'a Wesse' egegkok ektémakxa aqsok apkelane m'a énxet; meyenyókasek apaqtek ma'a apmahágkaxa enxoho.

Proverbios 5:22

Kamekxohok agko' chá'a aqsok ekmaso apkelane m'a énxet ekmaso nak aptémakxa'; máxa táma katnehek kalpextétek ma'a mey'assáxma apkelane apagkok apagko' nak.

Eclesiastés 5:8

Nágkatlakkas aqsa apwet'a enxoho énxet'ák meyke aqsok apagkok kélnaqtawásegkoho xama apchókxa, tén han megkóltaqmelchessásekxo enxoho chá'a apheykha, essenhan megkóllánésa enxoho chá'a m'a ekpayhawo nak kólteméssesek, hakte énxet ekha nak kéláyo, elanha chá'a m'a aptáha nak kéláyo apagko', keñe apteme nak néten agko' kéláyókxa, elanha chá'a xa apqánet nak.

Jeremías 17:10

Ko'o sélányo chá'a apwáxok énxet, sektáha nak Wesse', tén han sekya'áseykegkoho chá'a m'a kañók agko' nak élchetámeykegkaxa apwáxok; tén han sekméssamól'a chá'a xama m'a ekpayhawo nak chá'a atnéssesek sellegassáseykegkoho, cham'a ektémakxa nak chá'a aqsok apkeláneyak.”

Jeremías 32:19

Awanhók agko' xép ma'a aqsok ekxeyenma nak apwáxok elána', keltássók agko' ma'a aqsok apkelane nak. Apweteyak xép ekyókxoho aqsok apkeláneyak nak chá'a énxet'ák, egkések nahan chá'a xama xama m'a ekpayhawo nak chá'a egkések, ekhawo ektémakxa nak chá'a aqsok apkeláneyak.

Lamentaciones 3:36

tén han negyetnakhásseyam nak élánamáxchekxa amya'a, cháxa aqsok apxeyenma nak chá'a Wesse' egegkok megkapayhawo nentáhakxa xa.

Daniel 5:23

Apkenmexeykekxeyk xép Wesse' egegkok, apkeltémo kólsantagkasek egheykok tén han egheykok élyawe ekhéyak axta m'a tegma appagkanamap, apkelmáha axta apyena vino xa, yetlo m'a ektáha axta apkeláneyeykha, apkelpeykásawók han ma'a aqsok kéláyókxa élánamáxche nak sawo ekyátekto ekmomnáwa, tén han sawo ekmope ekmomnáwa, sawo ekyexwase, sawo ekyentaxno, yántéseksek tén han meteymog; aqsok kéláyókxa megkate nak exma, megkañe nak ektemegweykmoho exma, megkay'áseyak nak aqsok. Melpeykessamók ma'a Dios apmésso nak apyennaqte wesse', tén han apmésso nak chá'a ekyókxoho m'a apkelanakxa enxoho chá'a.

1 Samuel 16:7

Keñe axta aptáha apcháneya Wesse' egegkok se'e: “Ná elano ektémakxa apyempehek, essenhan ektémakxa apwenaqte, hakte mómenyék ko'o xa. Megkatneyk ko'o sélányo ektémakxa nak apkelányo énxet; hakte apyókxa aqsa chá'a elanok pók énxet, keñe ko'o apwáxok aqsa chá'a alano'.”

1 Samuel 2:3

Méko sa' keyxkohok ekpeywa kapaqmeyesmakha, méko sa' kapaqmeyesmakha kaxénaxchekxohok agko', hakte Wesse' egegkok apteme Dios apya'áseykegkoho ekyókxoho aqsok, cha'a apkelyetsátéyak chá'a aqsok apkelane nak énxet tén han apkelyekpelchémo.

1 Samuel 2:6

Hegmések chá'a nétsapma Wesse' egegkok, hegmések nahan chá'a negyennaqte; hegáphaksek chá'a m'a apkelmaheykegkaxa nak apkeletsapma, hentekkessekxak nahan chá'a m'a.

1 Samuel 25:29

Yetneyk sa' agkok xép xama énxet apkenmexeykha apmáheyo yaqhek, méko sa' katnehek ektáhakxa exchep, eñama aptaqmelchesso m'a Dios Wesse' apagkok. Ekxák sa' apkelenmexma m'a Wesse' egegkok, aptémól'a xama énxet eyenyók meteymog mélwakto apmeykha.