Proverbios 24:1 - Biblia Enxet

¹ Ná eyásekkes apkeltémakxa m'a énxet'ák élmasagcha'a nak apkeltémakxa', nágyepmenyého epaxqaha m'a,

Proverbios 24:1 ပူးပေါင်းရင်းမြစ်များ

Salmos 1:1

Apkeleñémo énxet melyeheykekxa nak apkeltémókxa etnehek ma'a énxet'ák élmasagcha'a nak apkeltémakxa, tén han métleykekxa nak apkeltémakxa m'a énxet'ák melya'assáxma nak, tén han mewháneykekxoho nak ma'a énxet'ák apwanyeykha nak chá'a Dios,

Salmos 26:9

Náheyaqha aqsa ko'o xamo' ma'a énxet'ák melya'assáxma nak; Nágyoho aqsa hetnehek ma'a ektamheykegkaxa nak énxet'ák ekyetno nak chá'a apkelyógkexma',

Salmos 37:1

Nágkallókas aqsa apwáxok elanok ma'a énxet'ák élmaso nak apkeltémakxa, nágkayásekkes aqsa apwáxok apkeltémakxa m'a énxet'ák apkeláneykegkoho nak aqsok ekmaso,

Salmos 37:7

Ewanmeyha sa' aqsa nápaqto' Wesse' egegkok, eleyx aqsa epasmok meyke appekhésamap. Nágkalókas apwáxok étak ma'a énxet'ák ektaqmalma nak apheykha, ekteyapma nak chá'a aqsok ekmaso yaqwayam elanagkok.

Salmos 73:3

Hakte nathayak ewáxok sélányo ektémakxa ektaqmalma apheykha m'a apkeleykmákpoho nak, tén han ma'a élmasagcha'a nak apkeltémakxa.

Proverbios 13:20

Epaxqaha m'a énxet'ák ekha nak apkelya'áseykegkoho aqsok, keñe sa' étak apya'ásegwayam aqsok; epaxqaha m'a élyeyháxma nak, keñe sa' etwasakpok.

Proverbios 23:17

Ná eyásekkes apkeltémakxa m'a énxet'ák melya'assáxma nak; etne aqsa chá'a apcháyo m'a Wesse' egegkok;

Proverbios 24:19

Nágkalókas aqsa apwáxok elanok ma'a énxet'ák élmaso nak apkeltémakxa, ná eyásekkes han apkeltémakxa m'a énxet'ák élmasagcha'a nak apkeltémakxa,

Proverbios 3:31

Ná eyásekkes aptémakxa m'a énxet apyennaqteyáseykha nak chá'a apyempehek, nágyeykmasha han ma'a aptémakxa nak;

Proverbios 4:14

Ná elyetlawha apkelmahágkaxa m'a énxet'ák élmasagcha'a nak apkeltémakxa', ná etne han ma'a aptamheykegkaxa ekmaso nak.

Proverbios 4:15

Ná étlow ámay apagkok nak ma'a; ná epéwho chá'a, exeg aqsa,