Proverbios 23:26 - Biblia Enxet

²⁶ Hatte, etaqmelchesho chá'a apháxenmo ekyókxoho sektáhakxa enxoho chá'a sekpeywa ko'o, kalkoho apwáxok se'e sektémakxa nak ko'o;

Proverbios 23:26 ပူးပေါင်းရင်းမြစ်များ

Salmos 1:2

wánxa aqsa etnehek apchásekhayo m'a Wesse' egegkok nak segánamakxa apagkok. Kaxénmakha han chá'a apwáxok axta'a, tén han ekyókxoho ekhem.

Salmos 107:43

Énxet apya'áseykegkoho nak aqsok, kéméxcheyk ey'asagkohok xa, tén han ey'asagkohok segásekhayo m'a Wesse' egegkok.

Salmos 119:2

Apkeleñémo apkelane nak chá'a m'a apchánamakxa nak chá'a antéhek, apketamsamo apagko' nak chá'a ekweykmoho kañók agko' apkelwáxok,

Salmos 119:24

Hepeykessásekxohok chá'a ko'o ewáxok ma'a apchánamakxa nak chá'a antéhek; cha'a ekteme ko'o sepaqhetcháseykha chá'a m'a.

Proverbios 3:1

Hatte, nágkalwánaqmágwom aqsa m'a ektémakxa nak sélxekmowáseyak; epekken apwáxok ma'a segánamakxa ahagkok nak,

Proverbios 4:23

Elanagkoho chá'a élchetámeykha apwáxok, hakte cháxa éñamakxa ekyennaqte nak egnények xa.

Proverbios 4:4

axta etnehek chá'a hélxekmósagkok táta s'e: “Epekken apwáxok se'e sekpeywa nak; elána m'a séltamhókxa enxoho chá'a elána', keñe sa' kawegqohok apha.

Oseas 14:9

Kéméxcheyk elya'asagkohok apkelmopwancha'a nak aqsok, tén han ekha nak apkelya'áseyak aqsok se'e amya'a nak: Kelpéwók agko' ámay apagkok ma'a Wesse' egegkok, elyetlók chá'a m'a énxet'ák apkelpéwomo nak, keñe m'a énxet'ák élmasagcha'a nak apkeltémakxa kalpelápagkasek chá'a.

Deuteronomio 6:5

“Kólásekhoho Dios Wesse' kélagkok, ekweykmoho kañók agko' kélwáxok, tén han ekweykmoho m'a élchetámeykegkaxa nak kélwáxok, tén han ekweykmoho m'a kélyennaqte nak.