Proverbios 23:22 - Biblia Enxet

²² Yeyxho chá'a appeywa apyáp, ektáha axta apkelane; ná etaqnaweyha chá'a egken ektáha enxoho ekwányamo'.

Proverbios 23:22 ပူးပေါင်းရင်းမြစ်များ

Proverbios 1:8

Hatte, yeyxho chá'a m'a ektémakxa appékessáseyak apyáp, ná eyenyow chá'a ektémakxa élxekmowáseyak ma'a egken,

Proverbios 15:20

Epeykessásekxak chá'a awáxok chána m'a kélketche apya'áseykegkoho nak aqsok; elwanyaha eyke chá'a chána m'a kélketche ekyeyháxma nak.

Proverbios 30:11

Yetneyk énxet apyemneykha nak chá'a apyáp, metaqmelchesso nak chá'a appeywa elának ma'a egken.

Proverbios 30:17

Énxet apwanyémo nak chá'a elanok apyáp aptawáseykegkoho nak chá'a egken ekwányam, payhawok kalhexyawássesek apaqta'ák ma'a kágqag keñe etwok ma'a máma.

Proverbios 6:20

Hatte, etaqmelches ma'a apkeltémókxa nak etnehek apyáp, nágkalwánaqmágwom ektémakxa nak élxekmósso m'a egken.

Levítico 19:3

“Kólyahakxoho chá'a kélyáp, tén han egken. “Kólteme han chá'a kéláyo sábado ahagkok. Ko'o sekteme Dios Wesse' kélagkok.

Levítico 19:32

“Kólxekmósho chá'a kéláyo m'a apkelwányam nak, kólchempekxa chá'a néten apmonye'. Kólteme chá'a kéláyo Dios kélagkok. Ko'o sekteme Wesse'.

Deuteronomio 27:16

‘Exkak sa' Dios aplo apwañeykha nak chá'a m'a apyáp tén han ma'a egken.’ Apyókxoho énxet sa' etnehek apkelpeywa s'e: ‘Katnahagkok sa'.’