Proverbios 23:17 - Biblia Enxet

¹⁷ Ná eyásekkes apkeltémakxa m'a énxet'ák melya'assáxma nak; etne aqsa chá'a apcháyo m'a Wesse' egegkok;

Proverbios 23:17 ပူးပေါင်းရင်းမြစ်များ

Salmos 111:10

Néltamhók agkok antéhek ekyawe negya'áseykegkoho, kéméxcheyk sekxók antéhek negáyo Wesse' egegkok; ektaqmeleykha élchetámeykha apwáxok etnehek ma'a apcháyo nak chá'a. ¡Megkamassegwomek sa' chá'a kélteméssesso apcheymákpoho Dios!

Proverbios 15:16

Tásek antéhek meyke aqsok egagkok, tén han antéhek negáyo Wesse' egegkok, kaxnók antéhek ekxákma aqsok egagkok, ekyetnamakxa nak ektamheykha egwáxok.

Proverbios 24:1

Ná eyásekkes apkeltémakxa m'a énxet'ák élmasagcha'a nak apkeltémakxa', nágyepmenyého epaxqaha m'a,

Proverbios 24:19

Nágkalókas aqsa apwáxok elanok ma'a énxet'ák élmaso nak apkeltémakxa, ná eyásekkes han apkeltémakxa m'a énxet'ák élmasagcha'a nak apkeltémakxa,

Proverbios 24:21

Hatte, etne apcháyo Dios, tén han wesse' apwányam; ná epáxaqwom chá'a m'a apkelenmexeykha nak chá'a,

Proverbios 28:14

Apkeleñémo énxet melwátésseyam nak apteme apcháyo Wesse' egegkok; aqsok ekmaso sa' eyke káhapwak ma'a énxet ekyennaqte nak apwáxok.

Proverbios 3:31

Ná eyásekkes aptémakxa m'a énxet apyennaqteyáseykha nak chá'a apyempehek, nágyeykmasha han ma'a aptémakxa nak;

Eclesiastés 5:6

Nágyoho aqsa kalanaksek mey'assáxma m'a appeywa, keñe exének eyesagko aptáhakxa nápaqto' ma'a Dios apkeláneykha nak. Yaqsa ektáha apkeltamho nak elókasek Dios eñama m'a aqsok apxeyenma exchek xép, tén han yetsagkassásekxak katnehek ma'a ekyókxoho aqsok apkelane nak xép.

Eclesiastés 5:7

Kéméxcheyk xép etnehek apcháyo m'a Dios, neyseksa ekxákma élwanmésso ekmaso énxet'ák, tén han neyseksa élpaqmétamáxche naqsa, cham'a aqsok mékoho nak.