Proverbios 22:4 - Biblia Enxet

⁴ Hegwetaksohok ekxákma aqsok egagkok ma'a nenteme nak chá'a megkeymáxkoho egwáxok, tén han ma'a nenteme nak negáyo Wesse' egegkok, ekha sẽláyo han antéhek, hegwetaksek han ekwenaqte negweynchámeykha.

Proverbios 22:4 ပူးပေါင်းရင်းမြစ်များ

Proverbios 19:23

Kawegqohok negweynchámeykha m'a nenteme nak chá'a negáyo Wesse' egegkok; kapayhekxak chá'a egwáxok neyseksa negha, méko katnehek xama aqsok ekmaso nenlegeykegkoho.

Proverbios 21:20

Yetneyk aqsok éltaqmalma tén han sokmátsa apxagkok ma'a énxet apya'áseykegkoho nak aqsok, esáwak eyke chá'a aqsok apagkok ma'a énxet ekyeyháxma nak.

Proverbios 21:21

Étak chá'a ekwenaqte apha tén han kéláyo m'a énxet aptegyeykha nak chá'a yaqwayam etnehek ekpéwomo aptémakxa, tén han meyenyaweykha apnámakkok.

Proverbios 22:3

Étak chá'a aqsok ekmaso m'a énxet ekha nak chá'a élchetámeykha apwáxok, keñe étnakhaksek chá'a; keñe m'a meyke nak chá'a élchetámeykha apwáxok, exog aqsa, keñe eñegkohok chá'a ektemégweykmoho exma ekmaso.

Proverbios 22:5

Xámok kelhanma ámay apagkok ma'a énxet ekmaso nak aptémakxa'; tén han am'ák, étnakhaksek eyke chá'a m'a apmeyámakpoho apagko' nak chá'a.

Proverbios 29:23

Kamegqásekxohok chá'a aptémakxa apcheymákpoho m'a énxet eyeymáxkoho nak apwáxok, keñe m'a megkeymáxkoho nak chá'a apwáxok, kéláyo sa' kóltéhek.

Proverbios 3:16

Negya'ásegwayam ekpayho nak élya'assamakxa segmésso ekwenaqte negha, keñe m'a ekpayho nak násagqalwa segmésso ekxámokma aqsok egagkok, tén han ekha sẽláyo.

Proverbios 31:30

Awanchek hẽlyexanchesha m'a ektémakxa nak ekma egwáxok anlanok kelán'a, megkawegqók eyke m'a ektémakxa nak ektaqmalma; eyke payhawók kataqmalmakha nempeywa anxénmakha m'a kelán'a eyáyo nak Wesse' egegkok.

Isaías 33:6

egkések sa' chá'a ektaqmalma apheykha énxet'ák ma'a. Aqsok ekmomnáwa segwagkassamo teyp ma'a ekha nak negya'áséyak tén han negyekpelchémo; ekxámokma aqsok egagkok akke m'a negaye nak Wesse' egegkok.

Isaías 57:15

Hakte aptáhak appeywa Meyke nak Ekhémo s'e, memassegwayam nak apwesey nak aptaqmalma: “Ekhegkek ko'o m'a netno' nak, ekpagkanamaxchexa nak, ekhegkek eyke nahan nepyeseksa m'a énxet'ák apkelyelqamákpoho nak tén han ma'a apkellegeykegkoho nak ekyentaxno apkelwáxok, yaqwayam enxoho alwasqakkásekxohok chá'a tén han agkeyásekxak chá'a apkelyennaqte.

Daniel 4:36

“Yetlókok axta sekya'ásegwayam exma, tén han sekxaweykekxa seyeymáxkoho sektémakxa nak wesse' apwányam, keñe han ekha séláyo, tén han sekteme wesse'. Élya'aweykteyk axta m'a sepaqhetcháseykha axta chá'a, tén han séláneykha ekyawe axta chá'a kéláyo, ektamhákxeyk axta ko'o makham sémha emonye' m'a seyókxa nak, ekxawákxeyk axta makham sekteme wesse' apwányam ma'a sektémakxa nak wesse', ekyawe agko' séláyo axta eyke táhak, megkaxnémo axta m'a nanók axta.