Proverbios 22:29 - Biblia Enxet

²⁹ Énxet aptaqmelchessamo nak chá'a apkelane aptamheykha, etnehek sa' aptamheykha m'a apheykegkaxa nak apkelwesse'e apkelwányam, metnehek sa' wesse' apagkok ma'a meyke nak kéláyo.

Proverbios 22:29 ပူးပေါင်းရင်းမြစ်များ

Génesis 41:38

aptáhak axta apkeláneya faraón se'e: —¿Egwancheya agwetak pók énxet aphawo nak xa, ekha nak Dios espíritu apagkok?

Génesis 41:46

Treinta apyeyam apagkok axta weykmok José, kélyentamoma axta m'a aphakxa nak faraón, wesse' apwányam nak Egipto. Aptekkek axta José m'a aphakxa nak faraón, keñe apcheynawo apweynchámeykha m'a ekyókxoho yókxexma nak Egipto.

Génesis 47:6

Apwanchek exmakha m'a xapop Egipto nak. Egkes sa' ma'a yókxexma Gosen ektaqmelakxa nak se'e negókxa nak, yaqwayam sa' exmakha m'a. Apya'ásegkok sa' agkok han xép énxet apmopwána aqsok nepyeseksa m'a, etnésses sa' apkeláneykha seknaqtósso.

2 Samuel 2:32

Keñe axta Asael aphápak kélsákxo m'a Belén. Kélátawanyegwákxeyk axta m'a, takhaxpop apagkok axta m'a apyáp. Kelsakak axta apxegakxa Joab tén han apkelxegexma'a, apkelwákxeyk axta m'a Hebrón.

1 Reyes 10:8

¡Keleñémok eykel'a chá'a m'a apnaqteyegka'a nak xép, kelpayheykekxók eykel'a chá'a apkelwáxok ma'a apkeláneykha apheykha nak chá'a xamo' xép, apháxenmo chá'a m'a appeywa ekha nak ekya'áseykegkoho aqsok!

1 Reyes 11:28

Énxet apyennaqte axta han ma'a Jeroboam, megkaye apwáxok xama aqsok; xama axta apwet'a Salomón megyaháxamákpoho xa wokma'ák nak, apteméssessek axta apkemha apmonye' apxegkessesso chá'a apkeltamheykha ekyentaxno m'a apheykegkaxa nak José aptawán'ák neptámen.

1 Crónicas 4:23

Cháxa apkelánéyak axta chá'a yátegwáxwa xa; apheykencha'a axta m'a Netaim tén han Guederá, apkelásenneykencha'a axta chá'a m'a wesse' apwányam.

Proverbios 10:4

Meyke aqsok egagkok hentemhek ma'a negháxamáxkoho nak antemeykha; xámok eyke katnehek aqsok egagkok ma'a negwasqápeykekxoho nak antemeykha.

Proverbios 12:24

Énxet apwasqapma nak aptamheykha, néten sa' etnehek nepyeseksa énxet'ák; kélásenneykha naqsa sa' chá'a kóltéhek ma'a apháxamakpoho nak chá'a etneykha.

Proverbios 23:1

Apcháneyáha agkok xama wesse' apwányam yaqwayam epasmok apto, etaqmelchesho chá'a sekxók élchetámeykha apwáxok yaqsa ekha m'a apmonye' nak.

Eclesiastés 9:10

Ekyókxoho aqsok apkepwagkexa nak xép elána', elána' yetlo apwasqápeykekxoho apagko'; hakte megkalanaxcheyk chá'a aqsok, tén han megkaxénaxchek chá'a aqsok, méko han negyekpelchémo, tén han negya'áseykegkoho aqsok m'a takhaxpop, cham'a yaqwánxa nak xép emhagkok.

Daniel 1:19

Apkelpaqhetchessek axta m'a wesse' apwányam, axta han ét'ak xama aphawo Daniel, Ananías, Misael tén han Azarías, nepyeseksa m'a apyókxoho wokma'ák nak; axta keñamak aptáha apkeláneykha m'a wesse' apwányam.

Daniel 1:4

cham'a wokma'ák apkeltaqmalma, meyke nak ekmaso apyókxa', apkelya'áseykegkoho aqsok, tén han apmopwancha'a, apkelya'ásegwayam nak ekyókxoho ektémakxa negya'ásegwayam, apmopwancha'a nak yaqwayam eltemeykha m'a wesse' apwányam apxagkok. Kólxekmósek sa' ma'a ektémakxa amya'a, tén han ektémakxa nak ektáxésamaxche m'a caldeos apkelpeywa.

1 Samuel 16:21

Apwokmek axta David aphakxa m'a Saúl, apmeyk axta han aptamheykha m'a aphakxa nak, apchásekhayók apagko' axta han Saúl ma'a David, apteméssessek axta han apkelsókáseykha chá'a apkelmeykha apkenchesso nak kempakhakma.

1 Samuel 17:31

Apkeltennássekxeyk axta han Saúl ma'a ektáha axta chá'a aplege ektáhakxa apkelmaxneyeykha David, tén axta apkeltamho kólyentawakxa'.