Proverbios 22:23 - Biblia Enxet

²³ hakte Wesse' egegkok sa' epasmok ma'a, keñe sa' eñássesagkohok ma'a ektáha nak chá'a apnaqtawáseykegkoho.

Proverbios 22:23 ပူးပေါင်းရင်းမြစ်များ

Salmos 103:6

Elyekpelkohok chá'a Wesse' egegkok yetlo ekmámnaqsoho apkelánéseykekxa apheykha m'a kélnaqtawáseykegkoho nak chá'a.

Salmos 12:5

Aptáhak appeywa Wesse' egegkok se'e: “Kélnaqtawáseykegkók ma'a meyke nak aqsok apagkok, kéllegassáseykegkók ma'a apkelyelqamákpoho nak. Cháxa keñamak peya nak ko'o wampekxak néten, apasmok sa' ekhawo ektémakxa nak chá'a apkelmopmenyého.”

Salmos 12:6

Naqsók agko' ma'a apxeyenma nak Wesse' egegkok, cháxña'awók agko', ¡máxa m'a sawo ekmope ekmomnáwa agko' la'a, kéltemél'a siete kélháneykekxa'!

Salmos 140:12

Ekya'ásegkók ko'o elánekxéshok chá'a apheykha Wesse' egegkok ma'a meyke nak aqsok apagkok, emyókashok han chá'a ektémakxa nak chá'a apheykha m'a ekyentaxno nak apheykha.

Salmos 140:13

Elpeykeshok sa' chá'a exchep apwesey m'a énxet'ák meyke nak apkeltémakxa; ¡exmakha sa' chá'a aphakxa exchep ma'a énxet'ák éltaqmalma nak apkeltémakxa!

Salmos 35:1

Wesse', elenmex énxet'ák sénmexeykha nak chá'a ko'o; ektamák ma'a sektámeyam nak chá'a ko'o.

Salmos 35:10

Sa' atnehek apaqmétek ekweykmoho kañók agko' ewáxok se'e: “Wesse', méko ekhawo exchep. Apkelwagkassegkek xép teyp énxet'ák apkelmopyóseka apkelmoma m'a énxet'ák apkelyennaqte nak, apkelwagkassegkek xép teyp énxet'ák meyke nak aqsok apagkok apkelmoma m'a apnaqtawáseykegkoho nak chá'a.”

Salmos 43:1

Oh Dios, hexén ko'o meyke sektémakxa; ¡hepásegwata' heyátegmakkasagkok se'e énxet'ák melya'áseyak nak xép! ¡Hewagkas teyp nepyeseksa énxet'ák apkelmopwancha'a amya'a, tén han élmasagcha'a nak apkeltémakxa,

Salmos 68:5

Dios, aphama nak cha'a m'a tegma appagkanamap apagkok, cha'a apteme chá'a apyapmeyk ma'a apkelyéheykha nak, tén han apkeltaqmelchesso m'a xentampe'e nak.

Éxodo 22:22

“Nágkólnaqtawasagkoho m'a kelán'ák xentampe'e nak tén han ma'a élyéheykha nak,

Éxodo 22:23

hakte kélnaqtawásegkok sa' agkok ma'a, keñe sa' sélmaxneya enxoho ko'o kának apasmok, apasmok sa' nahan,

Proverbios 21:7

Kalsexnáneyekxohok apagko' sa' apkeltémakxa apkelyennaqteyásamákpoho chá'a m'a élmasagcha'a nak apkeltémakxa', eñama memáheyo etaqmelchessásekxak chá'a apheykha m'a énxet'ák.

Proverbios 23:11

hakte yetneyk xama apyennaqte apagko' apkelmasma m'a énxet'ák nak, cham'a peya sa' etyapok elmeyók yenmexek xép.

Isaías 33:1

¡Xép laye, apmassésseyam nak chá'a aqsok memassegwayam nak makham! ¡Xép laye, appelakkassesso nak chá'a esexnenak pók, megkólpelakkassesso nak makham kólsexnena'! Appenchessek sa' agkok apmassésseyam aqsok, kólmasséssók sa' xép, appenchessek sa' agkok appelakkassesso chá'a apsexnenagko pók kólpelakkassesek sa' xépxa kólsexnena'.

Jeremías 30:16

Kólmasséssók sa' eyke nahan apyókxoho m'a apmassésseyam nak chá'a kéxegke, kólnaqlakxak sa' nahan megkatnahakxa apkelókxa apyókxoho m'a kélenmexma nak; wának sa' ko'o kólyementamagkok aqsok apagkok ma'a apkelyementaméyak nak chá'a aqsok kélagkok, wának sa' nahan kólmenyexchesagkok aqsok apagkok ma'a apkelmenyexchesso nak chá'a aqsok kélagkok kéxegke.

Jeremías 50:34

Apmeyhek eyke m'a apkelántekkesso nak, apwesey nak Wesse' ekha apyennaqte. Sa' etaqmelchessásekxak apheykha m'a, esógmak sa' meyke ektáhakxa negha m'a apchókxa, keñe sa' ekmaso apheykha m'a apheykha nak Babilonia.”

Jeremías 51:36

Aptáhak Wesse' egegkok se'e: “Alánekxések sa' ko'o exchep amya'a kélteméssessamakxa, ayaqmagkassásekxak sa' ko'o apteméssessamakxa exchep ma'a apkelenmexma. Eymaksek sa' ko'o m'a wátsam, tén han ma'a élánteyapmakxa nak yegmen Babilonia,

Miqueas 7:9

Éláneyak ko'o may'assáxma sénmexeykekxo Wesse' egegkok, cháxa keñamak peya nak alenmaxaxkohok ma'a aplo nak; ékpelkohok sa' ko'o sektémakxa m'a, hélánekxések sa' amya'a. Hey'aksek sa' ko'o Wesse' egegkok ma'a élsakókxa nak exma, yának sa' ótak ma'a segwagkasso teyp apagkok.

Habacuc 2:8

Épetchekxak sa' pók, pók aptémakxa énxet'ák yenmexek xép, elyementók sa' aqsok apagkok, ekhawo aptémakxa axta chá'a exchep, apkelyementamoma aqsok apagkok ma'a. Exnéshok sa' mók ma'a ekyókxoho aptémakxa ekmaso axta, apyennaqteyáseykencha'a axta apyempehek ma'a apchókxa, apkenmexma axta m'a tegma apkelyawe nak, yetlo énxet'ák apheykha m'a kañe'.

Malaquías 3:5

Aptáhak Wesse' egegkok ekha apyennaqte s'e: “Awaták sa' ko'o yaqwayam alyekpelchágwatámhok kéxegke. Keytlawhok sa' ko'o sélxéncháseykekxoho apkeltémakxa m'a aptamhéyak nak chá'a apkelyohóxma, tén han ma'a apnaqtawáseykegkoho nak chá'a apnaqteyegka'a apkelane chá'a mók, tén han ma'a eyaqhémo nak chá'a etnéssesek ekmámnaqsoho apkelpeywa, tén han ma'a apnaqtawáseykegkoho nak chá'a énxet'ák ekha nak apkeltamheykha, tén han ma'a xentampe'e nak, tén han ma'a élyéheykha nak, tén han meltaqmelchesso nak ma'a apkeleñama nak mók apkelókxa, tén han ma'a meheyáyo nak chá'a.

1 Samuel 24:12

¡Wesse' egegkok sa' etnehek segyekpelchémo negko'o s'e egqánet nak, hexnésseshok sa' mók apmáheyókxa nak xép hetnéssesek, wesse'! Keñe sa' ko'o, matnéssessamók exma ekmaso xama enxoho exchep, wesse'.

1 Samuel 24:15

Wesse' egegkok sa' etnehek segyekpelchémo negko'o s'e egqánet nak, tén han exének yaqwánxa henteméssesek; ¡sa' elanok han aqsok sélane m'a, tén han hemyók neyseksa apmáheyo hetnéssessamhok exma ekmaso exchep, wesse'!”

1 Samuel 25:39

Xama axta apleg'a David apketsapa m'a Nabal, aptáhak axta s'e: —¡Apcheymákpoho sa' kólteméssesek Wesse' egegkok, seyaqmagkassásekxo nak ektémakxa setaqnaweykha m'a Nabal! ¡Meltamhók alának aqsok ekmaso, Nabal apagko' han apcháhakkásekxak ma'a aptémakxa ekmaso! Tén axta David apcháphássesa appeywa apmako emekxak etnehek aptáwa' m'a Abigail.