Proverbios 22:17 - Biblia Enxet

¹⁷ Etaqmelchesho apháxenmo ekyókxoho aqsok apkelxeyenma nak ma'a apkelya'áseykegkoho nak aqsok; epekken apwáxok ma'a ektáhakxa enxoho sélxekmósso.

Proverbios 22:17 ပူးပေါင်းရင်းမြစ်များ

Salmos 78:1

Énxet'ák ahagkok, kóleyxho nélxekmowásamáxche ahagkok; ¡kóltaqmelchesho kélháxenmo sekpeywa!

Salmos 90:12

Hegya'assásegwom negko'o ekyaqwátawo negheykha, yaqwayam sa' negko'o antéhek negya'áseykegkoho aqsok.

Proverbios 1:3

agmok ektémakxa nak sẽlxekmowáseyák, negya'áseykegkoho aqsok, ekpéwomo nentémakxa, ektaqmalma nentémakxa', tén han meyke ekyeykhamaxche mók nenteméssesakxa egnámakkok;

Proverbios 23:12

Yoho katxek apwáxok nélxekmowásamáxche', yeyxho chá'a m'a negya'ásegwayam aqsok.

Proverbios 24:23

Keso apkelxeyenma han apkelya'áseykegkoho nak aqsok se'e: Megkapayhawok anteméssesek apyeykhamap pók nenlányo énxet ma'a sẽlyekpelchémókxa nak.

Proverbios 3:1

Hatte, nágkalwánaqmágwom aqsa m'a ektémakxa nak sélxekmowáseyak; epekken apwáxok ma'a segánamakxa ahagkok nak,

Eclesiastés 12:11

Énxet apkelya'áseykegkoho nak aqsok, máxa yámet élmahantal'a naw'a m'a apkelxeyenma nak aqsok, kélánchásekxeyk agkok ma'a apkelxeyenma nak aqsok, máxa láwa élmahantal'a naw'a kélatcháseyak nak aqsok katnekxa', cham'a apkelatcháseyak la'a xama apkeláneykha nepkések.

Eclesiastés 7:25

Ekwasqápeykekxók axta séltémo atnehek ekha sekyekpelchémo, tén han altámesaxchek ektémakxa aqsok, tén han aktamok ma'a éleñémeykxa nak. Ekyekpelchágweykmek axta ko'o ektáha ekmaso antéhek segyeyháxma, tén han antéhek magya'áseyak exma.

Eclesiastés 8:16

Neyseksa sekmeyásamáxkoho ahagko' axta ko'o yaqwayam eykpelkohok aqsok, tén han ay'asagkohok ektémakxa, tén han alanok ma'a ekyókxoho aqsok élánamáxko nak chá'a keso náxop —agwomok chá'a naqsók ma'a magmowagkexa nak antének, ekhem, essenhan axta'a—,

Eclesiastés 8:9

Cháxa sekwetaya axta chá'a ko'o xa, sekméssamo ahagko' axta ewáxok séltémo ay'ásegwomhok ektémakxa nak élánamáxche aqsok keso náxop, tén han ma'a ektémakxa nak chá'a énxet, yetneyk apmopwána yaqwayam chá'a etnéssessamhok exma ekmaso pók.

Isaías 55:3

Hélyo'óta ko'o, kóleyxwatámho sekpeywa, kóleyxho sektáhakxa keñe sa' megkóletsepek chá'a. Alának sa' ko'o ekhémo mók sélpaqhetchásamáxkoho kéxegke meyke néxa, yaqwayam sa' alának ma'a séltennassama axta alának ma'a David eñama seyásekhayo.