Proverbios 22:11 - Biblia Enxet

¹¹ Yásekhohok wesse' apwányam ma'a énxet megkeyxamaxkoho nak chá'a apwáxok elána', apxegexma chá'a etnehek ma'a appaqmeyesma nak chá'a yetlo ektaqmeleykha appeywa elána'.

Proverbios 22:11 ပူးပေါင်းရင်းမြစ်များ

1 Reyes 4:5

Azarías, Natán axta apketche, apteme axta apkemha apmonye' apagkok apkeltaqmelchesso nak chá'a apkelókxa; Zabud, Natán axta apketche, apteme axta apkelmaxnéssesso Dios énxet'ák apagkok, apteme axta han appaqhetcháseykha chá'a m'a wesse' apwányam;

Ester 10:3

Mardoqueo axta apteme aptétéyak chá'a ektémakxa aptamheykha m'a wesse' apwányam, cham'a judío nak. Énxet ekyawe kéláyo axta aptemék nepyeseksa m'a judíos. Apchásekhayók axta m'a apyókxoho apchókxa xamo', hakte apketagkassegkek axta aqsok ektaqmela m'a énxet'ák apagkok. Apwasqápeykekxók axta apkeltémo etaksek ektaqmalma apheykha m'a appeywomo xamo' nak.

Salmos 101:6

Kalkohok sa' eyke chá'a ko'o ewáxok ma'a énxet'ák melyenseyam nak chá'a apkelyetleykha Dios, yaqwayam sa' exmakha chá'a xamók ko'o; wánxa sa' aqsa chá'a etnehek séláneykha m'a ektaqmalma nak chá'a apkeltémakxa.

Salmos 24:4

Wánxa m'a megkalane nak aqsok ekmaso, eyáxñeyo nak awáxok, meyke nak megkay'assáxma, megkalpeykessamo nak kéleykmássesso, megkaxeyenma nak kalának aqsok ekmowána amya'a.

Salmos 45:2

¡Xép apteme aptaqmalma apagko' nepyeseksa m'a énxet'ák! ¡Tásek chá'a katnehek appeywa! Cháxa keñamak apteméssessama nak apkeleñémo Dios megkatnégwayam néxa.

Proverbios 14:35

Yásekhohok chá'a wesse' apwányam ma'a apkeláneykha apmopwána nak aptamheykha, etaqnók eyke chá'a m'a megkamopwána nak aptamheykha.

Proverbios 16:13

Elásekhohok chá'a wesse' apkelwányam ma'a énxet'ák apkelpaqméteykha nak chá'a yetlo ekmámnaqso', meyke nak chá'a apkelyexamakpoho, elanok chá'a yetlo ektaqmeleykha apkelwáxok.

Proverbios 22:12

Elanha chá'a Wesse' egegkok ma'a énxet apya'áseykegkoho nak aqsok, metnéssesek eyke chá'a naqso' aptáhakxa enxoho m'a énxet apmopwána nak chá'a amya'a.

Eclesiastés 10:12

Énxet apya'áseykegkoho nak aqsok, kalkohok chá'a kélwáxok aptáhakxa appeywa, keñe m'a appeywa nak énxet ekyeyháxma, kasexnáneykxohok agko' chá'a:

Daniel 3:30

Tén axta wesse' apwányam apkelmésa apkeltamheykha ektaqmalma agko' ekha kéláyo Babilonia xa apqántánxo wokma'ák nak.