Proverbios 21:3 - Biblia Enxet

³ Nenlane nak nentémakxa ekpéwomo tén han nenláneseykekxa ektaqmela apheykha m'a énxet'ák, cháxa ekleklamókxa nak apwáxok Dios antéhek xa, kaxnók ma'a kélnaqtósso ektekyawa nak negmésso.

Proverbios 21:3 ပူးပေါင်းရင်းမြစ်များ

Salmos 40:7

Cháxa keñamak sektáha nak seyáneya exchep se'e: Ekheyk ko'o s'e, hágkek eknaqtáxésamaxche weykcha'áhak seyánémaxchexa nak ko'o alána'.

Salmos 50:8

Mataqnawássessók ko'o m'a kélnaqtósso kélnapma, tén han aqsok kélwatno sélméssama nak chá'a ko'o.

Proverbios 15:8

Etaqnawhok Wesse' egegkok aqsok apchaqhássesso m'a énxet élmasagcha'a nak apkeltémakxa', yetlo ektaqmeleykha apwáxok eyke chá'a emok takha' nempeywa nélmaxnagko apagkok ma'a énxet apkelpéwomo nak.

Oseas 6:6

Wánxa eyke aqsa seyámenyého ko'o kéxegke hélásekhoho', maltamhók hélnáhakkasek ma'a aqsok kélnaqtósso; éltamhók kólya'asagkohok sektáha ko'o Dios, maltamhók hélwatnések ma'a aqsok kélnaqtósso.

Zacarías 7:9

“Keso séltamhókxa nak ko'o kóltéhek se'e: Kólteme chá'a ekpéwomo agko' kéllánekxésso amya'a kélmók, tén han ektaqmeleykha kélwáxok tén han apmopyósa kóllanok kélmók.

1 Samuel 15:22

Keñe axta Samuel aptáha s'e: “Wánxa eyke aqsa kapeykesekxak apwáxok Wesse' egegkok kélyahákxoho enxoho, kaxnók kólmések ma'a aqsok ektekyawa nak, keñe han ma'a kélwatno nak; tásek kólyahakxoho, tén han kóleyxhok chá'a appeywa, kaxnók kólmések ma'a aqsok ektekyawa, tén han ma'a nepkések apkelennay'a nak pexmok apagkok.