Proverbios 21:29 - Biblia Enxet

²⁹ Yának chá'a keynnák aptáhakxa m'a énxet ekmaso nak aptémakxa'; ey'asagkohok eyke chá'a aptémakxa m'a énxet meyke nak aptémakxa'.

Proverbios 21:29 ပူးပေါင်းရင်းမြစ်များ

Salmos 119:5

¡Émenyeyk eykhe ko'o mayensemek sélyeheykekxoho m'a segánamakxa apagkok nak!

Salmos 119:59

Kelchetagkassegkek axta ko'o ewáxok sektémakxa, tén axta sélyeheykekxoho makham apchánamakxa nak xép antéhek.

Proverbios 11:5

Ektaqmalma aptémakxa chá'a kapékesseshok apxega m'a énxet ekpéwomo nak aptémakxa, esexnáneykpekxohok apagko' eyke chá'a kápekxak aptémakxa ekmaso m'a énxet ekmaso nak aptémakxa'.

Proverbios 28:14

Apkeleñémo énxet melwátésseyam nak apteme apcháyo Wesse' egegkok; aqsok ekmaso sa' eyke káhapwak ma'a énxet ekyennaqte nak apwáxok.

Proverbios 29:1

Énxet apyennaqtésso nak apwáxok kólnókasha, kaxwo' agko' sa' kólmasséssók meyke apwayam teyp.

Proverbios 4:25

Yenmexho aqsa chá'a apmonye', nágyaháxehekxa chá'a.

Proverbios 4:26

Etaqmelchesho chá'a apkelányo m'a apmahágkaxa enxoho chá'a, tén sa' tásek chá'a katnehek apxega.

Proverbios 7:13

Pathetchek axta wokma'ák ma'a kelán'a nak keñe ekpetsesa, axta kamegqágweykxak ektáha eyáneya s'e:

Eclesiastés 8:1

¿Yaqsa ekhawo m'a énxet apya'áseykegkoho nak aqsok? ¿Yaqsa ekya'ásegkoho ektémakxa m'a aqsok? Nápat chá'a agyekpelkohok ma'a énxet apya'áseykegkoho nak aqsok; kamasséssesek chá'a eklo nak nápat.

Jeremías 5:3

Wesse', wánxa exchep aptegyeykencha'a chá'a m'a énxet apteméssesso nak chá'a ekmámnaqsoho appeywa. Apkellegassáseykegkók axta exchep; axta eyke ellegeykegkok; apmassésseykmek axta eykhe, axta eyke kalyaqwámeykegkok elya'ásegwók. Kalyéha'ak agko' apkelwáxok, yeykhágweykmók ma'a ekweykenxal'a ekyennaqte meteymog, axta emáheyók elyaqmagkasek apkelwáxok.

Jeremías 8:12

¡Kéméxcheyk eykhe elmegqágwók apkelánegko enxoho chá'a xa ektéma nak aqsok sektaqnagkamo nak ko'o! Melmegqágwakxeyk eyke, ¡melya'ásegkok ma'a ektémakxa negmegqakto! Éllegassásegkók sa' agkok ko'o m'a, elpelapmok sa', elyaqnenagkok sa' ektéma nak chá'a m'a nápakha nak. Ekxénchek ko'o xa, sektáha nak Wesse'.’”

Ezequiel 18:28

Apya'ásegwokmek sa' agkok ma'a aptémakxa, apyenyékxo enxoho ekyókxoho m'a aqsok ekmaso axta apkelane, megyetsepek sa', eweynchamha sa' chá'a.

Hageo 1:5

Ektáhak ko'o séláneya kéxegke, ko'o sektáha nak Wesse' ekha sekyennaqte, kóltaqmelchesho kóllanok kéltémakxa nak.

Hageo 1:7

Ektáhak ko'o séláneya kéxegke, ko'o sektáha nak Wesse' ekha sekyennaqte, kóltaqmelchesho kóllanok kéltémakxa nak.

Hageo 2:15

Kaxén sa' kaxwók kélwáxok kéxegke s'e, eyeynamo s'e sakhem nak, tén han ma'a egmonye' sa'. Amonye' kélxátekháseykekxa tegma appagkanamap,