Proverbios 21:21 - Biblia Enxet

²¹ Étak chá'a ekwenaqte apha tén han kéláyo m'a énxet aptegyeykha nak chá'a yaqwayam etnehek ekpéwomo aptémakxa, tén han meyenyaweykha apnámakkok.

Proverbios 21:21 ပူးပေါင်းရင်းမြစ်များ

Salmos 112:4

Kalsássesek chá'a exma cháléwasso ekyáqtésakxa exma m'a énxet'ák meyke nak apkeltémakxa, tén han ma'a apmopyósa nak chá'a elanok pók, tén han ma'a ektaqmalma nak apkelwáxok, tén han ma'a ekpéwomo nak chá'a apkeltémakxa.

Proverbios 10:16

Ekyennaqte apnények chá'a exkak ekyaqmageykekxa m'a énxet appéwomo nak; keñe m'a ekmaso nak aptémakxa, exámasagkok aqsa mey'assáxma nak.

Proverbios 11:19

Nenlenxányam nak antekkesek aqsok ekpéwomo, agwetak ekyennaqte egnények, keñe m'a nenlenxányam nak antekkesek aqsok ekmaso, agwetak ma'a nétsapma.

Proverbios 15:9

Etaqnawhok Wesse' egegkok apkeltémakxa nak ma'a énxet'ák élmasagcha'a nak apkeltémakxa', yásekhohok eyke m'a énxet apkelane nak ekpéwomo aptémakxa'.

Proverbios 22:4

Hegwetaksohok ekxákma aqsok egagkok ma'a nenteme nak chá'a megkeymáxkoho egwáxok, tén han ma'a nenteme nak negáyo Wesse' egegkok, ekha sẽláyo han antéhek, hegwetaksek han ekwenaqte negweynchámeykha.

Proverbios 3:22

hakte sa' kagkések xép ekwenaqte apha m'a, kalnáxegkesha sa' nahan ektémól'a agkexnek egyespok nennatanma.

Isaías 51:1

Kóleyxho sekpeywa, kélyókxoho kélmámenyého nak chá'a kóltéhek ekpéwomo kéltémakxa tén han sélchetamso nak chá'a ko'o —axta aptáhak Wesse' egegkok. Kóllano meteymog kélyaqténneykegkaxa axta chá'a kéxegke, ekheykegkaxa nak meteymog kélweykekxexa axta chá'a;

Oseas 6:3

¡Ólwasqápekxohok hana agya'ásegwók Wesse' egegkok! Hegyo'ótak sa' negko'o Wesse' egegkok, ektémól'a katyapok ekhem, ektémól'a kamme' kayássesek xapop, ekmáxaqxamakxal'a exma, tén han élyapweykxal'a yenta'a.