Proverbios 21:16 - Biblia Enxet

¹⁶ Énxet apkelwátesseyam nak chá'a apteme ekha élchetámeykha apwáxok, emhagkok sa' ma'a apkelmaheykegkaxa nak chá'a apkeletsapma.

Proverbios 21:16 ပူးပေါင်းရင်းမြစ်များ

Salmos 125:5

exnésho apteméssessamakxa nak chá'a élmasagcha'a apkeltémakxa m'a apkelyetleykekxa nak chá'a ámay ekmaso. ¡Keytek sa' chá'a meyke ektáhakxa negha m'a Israel!

Salmos 49:14

Nétsapma chá'a éláneykha xa énxet'ák nak, eknaqleykekxa chá'a m'a takhaxpop nak, máxa aptamheykegkok ma'a nepkések yaqwayam la'a etekyók. Kelsakak sa' agkok, elmallánek sa' ma'a éltaqmalma nak apkeltémakxa, keñe sa' ma'a élmasagcha'a nak apkeltémakxa, kamaskok sa' apkelyennaqte, takhaxpop sa' etnehek apxanák.

Proverbios 11:19

Nenlenxányam nak antekkesek aqsok ekpéwomo, agwetak ekyennaqte egnények, keñe m'a nenlenxányam nak antekkesek aqsok ekmaso, agwetak ma'a nétsapma.

Proverbios 13:20

Epaxqaha m'a énxet'ák ekha nak apkelya'áseykegkoho aqsok, keñe sa' étak apya'ásegwayam aqsok; epaxqaha m'a élyeyháxma nak, keñe sa' etwasakpok.

Proverbios 19:16

Ahóxek chá'a katnehek apha m'a énxet apkelyeheykekxoho nak segánamakxa; yetsapok eyke chá'a m'a apwanyémo nak chá'a ektémakxa Wesse' egegkok sẽlxekmósso.

Proverbios 2:13

cham'a énxet'ák apkelwáteséyak nak apkelyetlo ámay ektaqmela, apkelyetleykekxa nak ámay ekyáqtéssamakxa nak exma',

Proverbios 5:23

Meláneykegkoho aptémakxa sa' keyntamok ma'a nétsapmakxa nak; aptémakxa ekyeyháxma sa' kañék etwasakpohok apagko'.

Proverbios 9:18

Melya'áseykegkok apkeletsapma m'a ektáha axta éláneyeykha, melya'áseykegkok apkelweykmo m'a apkelmaheykegkaxa nak chá'a apkeletsapma.

Ezequiel 18:24

“Apkelwátessek agkok aptémakxa ekpéwomo m'a énxet ekpéwomo nak aptémakxa, apkelánekxo enxoho ekyókxoho m'a aqsok ekmaso ektaqnómaxkoho nak, apkeláneykegko nak ma'a énxet'ák élmasagcha'a nak apkeltémakxa, ¿xéncheya kélwáxok kéxegke megyetsepek xa? Megkaxénwakxók sa' chá'a ko'o ewáxok ma'a ekyókxoho aqsok ektaqmela axta apkelane: yetsapok sa' eñama apkelwátesseyam sétleykha tén han aptémakxa mey'assáxma.

Sofonías 1:6

Amasséssók sa' han ma'a seyamasma nak ko'o, mehektamso nak chá'a tén han mehey'eykekta nak chá'a etegyaha sekpeywa.”