Proverbios 21:12 - Biblia Enxet

¹² Dios apteme nak appéwomo, elanha chá'a apxagkok ma'a énxet ekmaso nak aptémakxa', yehekxak han aqsok élmaso m'a élmasagcha'a nak apkeltémakxa'.

Proverbios 21:12 ပူးပေါင်းရင်းမြစ်များ

Génesis 19:29

Cháxa aptémakxa axta Dios apmasséssekmo m'a tegma apwányam apkelyawe, apheykegko axta m'a xóp ekyapwate nak, aphamakxa axta m'a Lot. Xénwákxók axta eyke apwáxok ma'a Abraham, keñe aptekkesa Lot ma'a yókxexma peyakxa axta emasséssók.

Job 5:3

Óthok chá'a ko'o énxet ekyeyháxma kataqmelek apha, megkawegqók eyke chá'a, yahamok eyke han chá'a kólmasséssessók ma'a apxagkok nak.

Job 8:15

Emáwhok sa' eykhe elmágwok ma'a yátépépe nak, eyetyapok sa' aqsa; emáwhok sa' eykhe elyepetchak ma'a yaweyke támpagkok nak, melmagkehek sa' eyke.

Salmos 107:43

Énxet apya'áseykegkoho nak aqsok, kéméxcheyk ey'asagkohok xa, tén han ey'asagkohok segásekhayo m'a Wesse' egegkok.

Salmos 52:5

Emasséssamhok apagko' sa' eyke han xépxa m'a Dios: emok sa', keñe sa' etekkesek ma'a apxagkok nak; yaqhek sa'.

Proverbios 13:6

Aptémakxa ekpéwomo chá'a kamyók ma'a énxet meyke nak aqsok ekmaso apkelane; aptémakxa ekmaso eyke chá'a katsagkasek ma'a énxet mey'assáxma nak.

Proverbios 14:11

Kólmasséssessók sa' apxanák ma'a énxet'ák élmasagcha'a apkeltémakxa'; tásek sa' eyke katnehek aphéyak apxanák ma'a énxet'ák meyke nak apkeltémakxa'.

Proverbios 14:32

Kasexnáneyekxohok agkok chá'a aptémakxa ekmaso m'a énxet ekmaso nak aptémakxa'; keñe m'a énxet meyke nak aptémakxa, kamyók chá'a m'a meyke aptémakxa nak.

Proverbios 29:16

Apxámágkek agkok ma'a élmasagcha'a nak apkeltémakxa' kayágkok han ma'a magya'assáxma; keñe m'a énxet'ák meyke nak apkeltémakxa, elwetagkohok sa' elmassegwók ma'a.

Oseas 14:9

Kéméxcheyk elya'asagkohok apkelmopwancha'a nak aqsok, tén han ekha nak apkelya'áseyak aqsok se'e amya'a nak: Kelpéwók agko' ámay apagkok ma'a Wesse' egegkok, elyetlók chá'a m'a énxet'ák apkelpéwomo nak, keñe m'a énxet'ák élmasagcha'a nak apkeltémakxa kalpelápagkasek chá'a.

Amós 4:11

“Ekmaso agko' axta ko'o ekmassésseykmok kéxegke, ekhawo sekteméssessamakxa axta sekmassésseykmo m'a Sodoma tén han Gomorra; máxa átex axta kéltemék kélhaxyawassól'a neyseksa táxa, ¡axta eyke hélye'eykekták ko'o kéxegke!” Wesse' egegkok apxeyenma xa.