Proverbios 21:1 - Biblia Enxet

¹ Wesse' egegkok chá'a apkeláneseykegkoho élchetámeykha apwáxok ma'a wesse' apwányam, étlók chá'a m'a ektémól'a wátsam ekmeyeykekxexal'a chá'a yegmen, apkeltamhókxa enxoho chá'a m'a Wesse' egegkok.

Proverbios 21:1 ပူးပေါင်းရင်းမြစ်များ

2 Reyes 19:33

Sa' epéwhok makham etaqhohok ma'a ámay appéwókxa axta apxegakmo; metxehek sa' se'e tegma apwányam nak. Ekxénchek ko'o xa, sektáha nak Wesse'.

Esdras 1:1

Aptamháha axta apwáxok Wesse' egegkok ma'a Ciro, wesse' apwányam nak Persia, yaqwayam eñeksek ekyókxoho aptémakxa nak wesse' apwányam ma'a appeywa, tén han aptáxésso, keso segánamakxa apagkok nak, cham'a ekwokmo axta xama apyeyam apteme wesse' apwányam, yaqwayam enxoho katnehek ma'a Wesse' egegkok appeywa aplegassama axta m'a Jeremías:

Esdras 1:2

“Axta aptáhak Ciro, wesse' apwányam nak Persia s'e: Egkéssek ko'o Wesse' egegkok, Dios apha nak néten, ekyókxoho yókxexma nak keso náxop, apkeltamhók han alanaksek tegma appagkanamap ma'a Jerusalén, ekpayho nak ma'a yókxexma Judá.

Esdras 6:22

Siete ekhem axta han apkeláneyak yetlo élpayheykekxa apkelwáxok ma'a apkelsawássessamo nak kelpasmaga meyke kempáseyak, hakte Wesse' egegkok axta apkelpeykessásekxak agko' apkelwáxok, apkeltamho kataqmalmakha apwáxok elanok ma'a wesse' apwányam Persia, tén han epasmok apxátekháseykekxa m'a Dios tegma appagkanamap apagkok, Dios nak Israel.

Nehemías 1:11

Wesse', éltamhók exchep yeyxhok sélmaxnagko, tén han apkelmaxneyéyak ma'a apkeláneykha, apkelmopmenyého nak chá'a etnehek apcháyo exchep. Éltamhók han hegkések yaqwayam katyapok ma'a aqsok sekmámenyého, yaqwayam enxoho kataqmalmakha apwáxok hélanok ko'o m'a wesse' apwányam.”

Nehemías 2:4

—¿Háxko apkeltamhókxa atnéssesek xép? —axta aptáhak apkelmaxneyáncha'a wesse' apwányam. Tén axta sélmaxneya Dios apha nak néten,

Nehemías 2:8

hegkések sa' han mók weykcha'áhak aptáxésso, yaqwayam axekmósek ma'a Asaf, apkeláneseykha nak naxma apagkok ma'a wesse' apwányam, yaqwayam sa' hegkések yámet séláneykekxa m'a atña'ák nak tegma apyennaqte, apmasma nak ma'a tegma appagkanamap, tén han séláneykekxa m'a nepyáwa nak kélhaxtegkesso tegma apwányam, tén han ma'a tegma yaqwánxa sa' ko'o axek. Élméssek axta ko'o wesse' apwányam xa ekyókxoho nak, hakte epasmomchek axta ko'o m'a Dios ahagkok, ektaqmeleykha nak apwáxok henlano'.

Ester 2:17

Apmenyeyk apagko' axta nahan apkelano wesse' apwányam Asuero m'a Ester, axta kaxnawok apmopmenyého chá'a ekwánxa apmopmenyého m'a mók kelán'a nak. Taqmeláha axta apwáxok apkelano m'a Asuero, cháxa ekmésa axta apchásekhayo apagko' neyseksa m'a ekyókxoho mók kelán'a étkók nak ektáha axta chá'a ekheykha xamo', apketchessessek axta akqátek ma'a élháxaqxo ektaqmalma, apteméssessek axta wesse' ekwányam ekyaqmagkasso m'a Vasti.

Salmos 105:25

Apkeltémok axta elenmexek egipcios ma'a énxet'ák apagkok, tén han elyexanchesha m'a Dios apkeláneykha nak.

Salmos 106:46

¡apkeltamhók axta han kapyóshok elanok ma'a ektáha nak apkelma!

Salmos 114:3

Xama axta ekweteya m'a wátsam ekwányam, yetlómok axta eyaqxegeykegkokxa', tén axta wátsam Jordán ekmassama ényé.

Salmos 114:5

Wátsam ekwányam, ¿yaqsa axta ektéma eyaqxegeykegkokxo? Yegmen Jordán, ¿yaqsa axta ektéma ekmassama ényé?

Salmos 74:15

Aptekkessegkek axta exchep ma'a élánteyapmakxa nak yegmen, tén han wátsam, apyamassegkek axta m'a yegmen wátsam megkeymáyeykxa nak.

Salmos 93:4

Wesse', apha nak néten, apyeykhásseykmók eyke exchep apyennaqte m'a yegmen élyaqyahayam nak, tén han ma'a ekpáwà awáxok nak wátsam élyawe.

Éxodo 7:3

Eynaqtéssesek sa' eyke ko'o apwáxok ma'a faraón, alának sa' nahan ekxámokma aqsok magkenatchesso nak agweta', tén han aqsok segyegwakkassamo nak agwetak ma'a Egipto.

Proverbios 16:1

Énxet chá'a sekxók apkeláneykekxa yaqwánxa elának aqsok; keñe Wesse' egegkok apkeltémo chá'a katyapok.

Proverbios 16:9

Elánekxak chá'a aptáhakxa énxet, Wesse' egegkok eyke chá'a epékessesagkok ma'a apmahágkaxa enxoho.

Proverbios 20:24

Wesse' egegkok eyke apkeláneséyak chá'a ektémakxa apxega énxet. Méko enxama negya'áseykegkoho chá'a yaqwánxa agmahagkok.

Isaías 43:19

Alának sa' ko'o kaxwók axnagkok aqsok, kaxwók sa' kólwetak katyapok. Alának sa' ko'o xama ámay ma'a yókxexma meykexa nak énxet, keñe sa' wátsam ma'a xapop megkatyapmakxa nak xama aqsok.

Isaías 44:27

Ewanchek ko'o wának keymék ma'a wátsam ekwányam nak tén han katnehek meyke yegmen ma'a wátsam étkók agkok nak.

Jeremías 39:12

“Elanha sa', etaqmelches sa' apteméssesakxa, egkés sa' chá'a ekyókxoho m'a apkelmaxneyakxa enxoho chá'a.”

Daniel 4:35

Mékoho apancha'awók nápaqtók ma'a apyókxoho énxet'ák nak keso náxop. Elának chá'a apmakókxa enxoho chá'a elána', cham'a aqsok ekhéyak nak néten tén han keso náxop. Méko awanchek kanmexekxak apmopwána, tén han katnehek kának se'e: ¿Yaqsa ektáha aptáha nak xa ektáha nak?”