Proverbios 20:8 - Biblia Enxet

⁸ Aphakmek agkok wesse' apwányam ma'a aptaháno segyekpelchémókxa nak, xama apkelányo aqsa etnehek ékpelkohok ma'a aqsok ekmaso nak.

Proverbios 20:8 ပူးပေါင်းရင်းမြစ်များ

2 Samuel 23:4

exhok sa' ma'a ektémól'a katyapok ekhem axto'o, máxa sa' etnehek ma'a ekhem éltátchesso meykel'a yaphope, ektaqmelcháseykekxal'a pa'at natámen ekmámeye.’

1 Reyes 7:7

Apkelanak axta han kañe' tegma Sẽlyekpelchémókxa, essenhan kélláneykxéssamakxa chá'a amya'a énxet'ák, yaqwayam enxoho kalanaxchek chá'a kélyekpelchémo énxet'ák ma'a, apsawheyásekxók axta han aphaxtegkesso yántéseksek cedro m'a néten tén han kóneg.

Salmos 72:4

¡Elánekxések sa' chá'a apheykha wesse' apwányam ma'a meyke nak aqsok apagkok! ¡Epasmok sa' chá'a m'a apketchek nak énxet'ák ekhakxa nak chá'a eyeyméxchexa aqsok, kóneg sa' etnessásekxak ma'a apnaqtawáseykegkoho nak chá'a!

Salmos 92:9

Wesse', naqsók eyke negya'ásegkoho negko'o peya kólmasséssók ma'a apkelenmexma nak; tén han kélmáheyo kólexpánchesek apyókxoho m'a apkeláneykegkoho nak chá'a aqsok ekmaso.

Salmos 99:4

Xép apteme Wesse' Apwányam ekha apyennaqte, apmopmenyého nak nentémakxa ekpéwomo; xép apagko' appekkenma meyke ekyeykhamaxche mók nentémakxa. Appékessessamók axta chá'a exchep apkelánéseykekxa apheykha m'a Jacob énxet'ák apagkok, yetlo ektaqmalma aptémakxa.

Proverbios 16:12

Eltaqnawhok kelwesse'e apkelwányam ma'a nentémakxa ekmaso nak, hakte ekpéwomo nenlanekxésso amya'a énxet'ák ekyennaqtésso m'a aptémakxa nak wesse' apwányam.

Proverbios 20:26

Elántekkesek chá'a aphakxa wesse' apwányam apya'áseykegkoho nak aqsok ma'a élmasagcha'a nak apkeltémakxa, elteyágkasek chá'a aqsok amnek.

Proverbios 25:5

nentekkessek agkok xama énxet ekmaso aptémakxa aptamheykha nak ma'a aphakxa nak wesse' apwányam, keñe keytek chá'a apkelánekxésso ektaqmalma apheykha énxet'ák ma'a aptémakxa nak wesse' apwányam.

Proverbios 29:14

Kawegqohok sa' chá'a apteme wesse' apwányam ma'a apkeláneykha nak chá'a énxet'ák meyke nak aqsok apagkok, yetlo mekxeykha.

Isaías 32:1

Etyapok sa' xama wesse' apwányam yaqwayam etneykha yetlo ekpéwomo aptémakxa tén han ma'a kelwesse'e apkeláneykha nak chá'a apkelókxa yaqwayam sa' eltemeykha chá'a apkelókxa yetlo ekpéwomo apkeltémakxa.