Proverbios 20:20 - Biblia Enxet

²⁰ Énxet apyemneykha nak apyáp tén han egken, yetsapok sa' ektémól'a kaspónak aqsok eyápogwate m'a ekyáqtésakxa agko' nak exma.

Proverbios 20:20 ပူးပေါင်းရင်းမြစ်များ

Job 18:18

Kólyenyók sa' ekyáqtésakxa exma apkeñama m'a élsakókxa exma; kóltekkesek sa' keso nélwanmeygkaxa.

Éxodo 20:12

“Etne apcháyo apyáp tén han ma'a egken, yaqwayam enxoho kawegqohok apweynchámeykha keso náxop apmésso axta m'a Dios Wesse' apagkok.

Éxodo 21:17

“Énxet ektáhakxa enxoho apyemneykha apyáp, essenhan ma'a egken, yánékpok sa' ematñekxa'.

Proverbios 13:9

Máxa cháléwasso eyápogwate etnahagkok ma'a énxet'ák élpéwomo nak apkeltémakxa'; máxa eyke cháléwasso eksapane agko' la'a etnahagkok ma'a énxet'ák melya'assáxma nak.

Proverbios 20:21

Aqsok megkamáske nak ekwetamaxche sekxo', háwe yaqwayam kapeykásekxak egwáxok.

Proverbios 24:20

hakte megkataqmelwomek sa' apwetágwayam apmonye' m'a énxet ekmaso nak aptémakxa: ¡máxa cháléwasso kélsapanchesso sa' etnehek emassegwók!

Proverbios 30:11

Yetneyk énxet apyemneykha nak chá'a apyáp, metaqmelchesso nak chá'a appeywa elának ma'a egken.

Proverbios 30:17

Énxet apwanyémo nak chá'a elanok apyáp aptawáseykegkoho nak chá'a egken ekwányam, payhawok kalhexyawássesek apaqta'ák ma'a kágqag keñe etwok ma'a máma.

Levítico 20:9

“Énxet ektáhakxa enxoho apkeltémo katnégwomhok exma apyáp, essenhan egken, kólaqhekxak sa'. Hakte apkeltamhók katnégwomhok exma ekmaso m'a apyáp, essenhan ma'a egken, apsexnánémap apagko' sa' han katnehek yetsapok.

Deuteronomio 27:16

‘Exkak sa' Dios aplo apwañeykha nak chá'a m'a apyáp tén han ma'a egken.’ Apyókxoho énxet sa' etnehek apkelpeywa s'e: ‘Katnahagkok sa'.’