Proverbios 20:19 - Biblia Enxet

¹⁹ Mopwanchek meltennaha m'a énxet apkeltennágwayam nak aqsa chá'a nátegma, ná epaxqaha chá'a m'a énxet'ák apkeltennágwayam nak aqsa chá'a amya'a nátegma.

Proverbios 20:19 ပူးပေါင်းရင်းမြစ်များ

Salmos 101:5

Alwanmeyásekxak sa' chá'a m'a apkelyexamakpoho nak chá'a apkelxéneykha ekmaso m'a apheykha nak ketók apheykegkaxa'; ¡megkalchehek sa' ko'o ewáxok ma'a apkelásennómap nak, tén han ma'a éleymáxkoho apkelwáxok!

Proverbios 11:13

Eltennasha chá'a apyókxoho énxet'ák ma'a énxet apkeltenneykha nak chá'a amya'a aplege; ewanmak eyke aqsa chá'a meyke apkeltenneykha m'a énxet ekha nak kéláyo.

Proverbios 13:3

Nenláneykegkoho nentáhakxa nempeywa, cháxa negmeyókaxkoho egagkok egagko' xa; etwasakpohok apagko' eyke chá'a m'a énxet ekxákma nak appeywa.

Proverbios 16:29

Elyexanchesha chá'a pók ma'a énxet apyennaqtésamákpoho nak chá'a, keñe éntemekxak ma'a ámay ekmaso nak.

Proverbios 18:8

Máxa nento ekmátsal'a m'a néltennágwayam nak aqsa chá'a nátegma, keytnók chá'a m'a kañók agko' nak egwáxok.

Proverbios 24:21

Hatte, etne apcháyo Dios, tén han wesse' apwányam; ná epáxaqwom chá'a m'a apkelenmexeykha nak chá'a,

Levítico 19:16

“Nágkóltemeykha kélmowána amya'a nepyeseksa énxet'ák kélagkok. “Nágkólwéhenekxoho chá'a m'a kélmók apmáheyo yaqhek pók. Ko'o sekteme Wesse' kélagkok.