Proverbios 2:21 - Biblia Enxet

²¹ Hakte cham'a énxet'ák élpéwomo nak apkeltémakxa', tén han ma'a meyke nak ekmaso apkeltémakxa'; elweynchamha sa' makham keso náxop;

Proverbios 2:21 ပူးပေါင်းရင်းမြစ်များ

Job 1:1

Aphegkek axta xama énxet ma'a yókxexma Us apwesey axta Job. Péwók axta aptémakxa, méko axta aqsok ekmaso apkelane, apteme axta meyenyaweykha apkeláneykha m'a Dios, apkeláneykegkoho aptémakxa yaqwayam melanyehek xama aqsok ekmaso.

Job 42:12

Appasmomchek axta Dios amonye' yaqwayam katnégwók néxa apha m'a Job, apyeykhássesseykmók axta apkelmésso aqsok ma'a ekweykenxa axta m'a nanók axta. Catorce mil axta apweykmok nepkések apnaqtósso, seis mil yányátnáxeg, mil axta m'a weyke kéltéteykekxa nak mók, keñe mil yámelyeheykok.

Salmos 37:11

Sa' eyke elxewekxak xapop ma'a megkaleymáxkoho nak apkelwáxok, awanhók agko' sa' katnehek meyke ektáhakxa apheykha.

Salmos 37:18

Eltaqmelcheshok chá'a Wesse' egegkok ma'a ektaqmalma nak apkeltémakxa, megkamassegwomek sa' chá'a m'a xapop apagkok apkelxaweykekxa nak.

Salmos 37:22

Elxewekxak sa' xapop ma'a ektaqmalma nak chá'a apkelxéneykha Wesse' egegkok, keñe sa' ma'a ekmaso nak chá'a apkelxéneykha, kólmasséssók sa'.

Salmos 37:29

Énxet'ák meyke apkeltémakxa sa' elxawagkok ma'a xapop, exmakha sa' chá'a meyke néxa m'a.

Salmos 37:3

Ná ey'ássem Wesse' egegkok, elána aqsok ektaqmela, ná eyensem apyetleykha neyseksa apha xapop apagkok.

Salmos 37:9

Kólántekkesek sa' apchókxa xa énxet'ák élmasagcha'a nak apkeltémakxa, keñe sa' ma'a énxet'ák melya'ásseyam nak Wesse' egegkok, elmok etnehek apagkok.

Salmos 84:11

Hakte Dios Wesse' egegkok sẽlsássesso chá'a exma, tén han sẽlmasma; elásekhohok chá'a Wesse' egegkok ma'a apkeláneykegkoho nak chá'a aqsok ektaqmela, kataqmalmakha chá'a apwáxok epasmok, elmések chá'a aqsok éltaqmela.

Proverbios 10:30

Méko sa' kaltaqhesha m'a énxet ekpéwomo nak aptémakxa', keñe sa' ma'a énxet ekmaso nak aptémakxa', meweynchamha sa' chá'a keso náxop.

Proverbios 28:10

Énxet apnaqleykekxa nak ámay ekmaso m'a énxet'ák éltaqmalma nak apkeltémakxa', kamekxohok sa' agkok ma'a kelhanma apagkok nak; keñe sa' elxawagkok aqsok éltaqmalma m'a énxet'ák meyke nak aqsok ekmaso apkeláneyak.