Proverbios 2:12 - Biblia Enxet

¹² sa' kamyók chá'a elának aptémakxa ekmaso m'a, nepyeseksa énxet'ák élmasagcha'a nak apkeltémakxa',

Proverbios 2:12 ပူးပေါင်းရင်းမြစ်များ

Salmos 101:4

Eytnakhaksek sa' ko'o m'a ektémakxa nak élchetamso egwáxok ekmaso: ¡malanyek sa' chá'a aqsok ekmaso xama enxoho!

Salmos 141:4

Nágyoho ko'o kaxének ewáxok alának aqsok ekmaso; nágyoho alyetlawha m'a apkeláneykegkoho nak chá'a apkeltémakxa ekmaso, essenhan apasmok apkeláneyak ektámáxche ekyawe m'a élmasagcha'a nak apkeltémakxa.

Proverbios 10:32

Exének chá'a aqsok ekleklamókxa nak egwáxok ma'a énxet ekpéwomo nak aptémakxa'; keñe m'a énxet ekmaso nak aptémakxa, wánxa aqsa exének ma'a aqsok ekmaso nak.

Proverbios 13:20

Epaxqaha m'a énxet'ák ekha nak apkelya'áseykegkoho aqsok, keñe sa' étak apya'ásegwayam aqsok; epaxqaha m'a élyeyháxma nak, keñe sa' etwasakpok.

Proverbios 23:33

Kaxekmósek sa' chá'a m'a aqsok meteykxa nak, exénwók sa' aqsa chá'a aqsok ekyeyháxma;

Proverbios 28:26

Énxet ekyeyháxma m'a apchásennamakpoho apagko' nak chá'a; kólmallahanchesek sa' eyke chá'a ekmaso apha m'a énxet apkelane nak chá'a nélxekmowasamáxche ektaqmela nak.

Proverbios 3:32

hakte eltaqnaweygkohok apagko' Wesse' egegkok ma'a énxet'ák élmasagcha'a nak apkeltémakxa', keñe m'a énxet'ák éltaqmalma nak apkeltémakxa', eltennaksohok chá'a yaqwánxa etnehek.

Proverbios 6:12

Etekkesha chá'a apmopwána amya'a m'a énxet ekmaso nak aptémakxa', tén han ma'a énxet ekyeyháxma nak;

Proverbios 8:13

Negáyo Wesse' egegkok, nenteme nentaqnagko aqsok ekmaso. Ataqnawhok ko'o m'a eyeymáxkoho nak egwáxok tén han magésso nak ageyxkoho', ekmaso nentémakxa tén han negmowána amya'a.

Proverbios 9:6

Kólwatesák kélteme élyeyháxma, keñe sa' kólweynchamha makham; kólteme aptamheykegkaxa nak ma'a énxet'ák apmopwancha'a nak aqsok.”