Proverbios 19:29 - Biblia Enxet

²⁹ Penchásexcheyk yaqwayam kóllegássesagkohok ma'a megkalyexnegwayam nak chá'a apkelpeywa; keñe han yaqwayam kólyekpexchetagkok ma'a énxet'ák élyeyháxma nak.

Proverbios 19:29 ပူးပေါင်းရင်းမြစ်များ

2 Reyes 2:24

Appeynchamakpók axta neptámen Eliseo apkelányo m'a wokma'ák nak, keñe apkeltémo kaltemégwomhok exma yetlo apxeyenma apwesey Wesse' egegkok. Yetlómok axta élánteyapma ánet aqsok nawha'ák éllo m'a naxma nak, keñe ektemessáseykegko nápakha'a apketkók ma'a cuarenta y dos wokma'ák nak.

Salmos 1:1

Apkeleñémo énxet melyeheykekxa nak apkeltémókxa etnehek ma'a énxet'ák élmasagcha'a nak apkeltémakxa, tén han métleykekxa nak apkeltémakxa m'a énxet'ák melya'assáxma nak, tén han mewháneykekxoho nak ma'a énxet'ák apwanyeykha nak chá'a Dios,

Proverbios 1:22

“Wokma'ák megkólya'áseyak nak aqsok, megkólésso nak kóllektegmaha, tén han élyeyháxma nak. ¡Kólwátésák hana kéltémakxa kélteme meyke kélya'áseyak aqsok! ¡Kólwátésák ekmátsa nak kélya'ásseyam, nágkóltaqnow ma'a negya'áseyak nak!

Proverbios 1:26

¡Alesmaksek sa' eyke ko'óxa kéxegke eyáhapwa'a enxoho aqsok ekmaso! ¡Alya'ássók sa' ma'a kélyegwaya kélagko' sa',

Proverbios 10:13

Tásek chá'a katnehek apkelpeywa m'a énxet apkelya'áseykegkoho nak aqsok; keñe m'a énxet ekyeyháxma nak, kéméxcheyk chá'a kólyekpexchetchesek apkapok.

Proverbios 17:10

Xama kélpaqhetchesso ey'ásegwók ektáhakxa aqsok ekmaso apkelane m'a énxet apya'áseykegkoho nak aqsok, keñe m'a énxet ekyeyháxma nak, cien kelyekpexchetma eykhe kóltéhek, mey'ásegwome'.

Proverbios 18:6

Nélátegmómaxche chá'a katekkesek appeywa m'a énxet ekyeyháxma nak; appeywa chá'a kasexnenak kólyekpexchetmakha.

Proverbios 26:3

Kóltamaksohok chá'a m'a yátnáxeg, kólmágwók han chá'a ekxega m'a yámelyeheykok, kólyekpexchetmakha eyke chá'a m'a énxet ekyeyháxma.

Proverbios 3:34

Ey'ássók chá'a Wesse' egegkok ma'a énxet'ák apkelya'ásseykmoho nak chá'a, kataqmalmakha eyke chá'a apwáxok elanok ma'a énxet'ák apkelmopyóseka nak.

Proverbios 7:22

yetlókok axta apyetleykekxa m'a kelán'a nak: ektémól'a weyke kólyentemekxak ma'a ektekyómakxa nak, máxa axta aptáhak ma'a ektémól'a xenaq kamok kelhanma,

Proverbios 9:12

Apya'áseykegkoho aqsok sa' agkok xép, sa' kapasmok xa; megkeyxnegwayam appeywa sa' agkok xép, apsexnánémap apagko' sa' etnehek.

Isaías 28:22

¡Kólwátésák sa' kaxwók sélasmésso!, kayágwomhok katnehek élyaqhapma m'a cadenas kélpextete nak; hakte ekleg'ak ko'o apmako emasséssók Wesse' ekha nak apyennaqte ekyókxoho s'e kélókxa nak.

Isaías 29:20

Esawhohok sa' ma'a énxet'ák élyenneykha nak chá'a apkelpeywa, emasséssók sa' ma'a énxet'ák apkeleymákpoho nak, elmassegwók sa' ma'a énxet'ák élxéneykha nak apkelwáxok wánxa elanagkok ma'a aqsok ekmaso,

Deuteronomio 25:2

Payhawók sa' agkok chá'a yaqwayam kólyekpexchetmakha m'a ektáha nak chá'a apsexnánémap, yának sa' kólpólchesagkok náxop ma'a énxet'ák segyekpelchémo, yának sa' kólyekpexchetmakha m'a ekpayhókxa enxoho apchaqnágkaxa, kólhéshok sa' ma'a ekwánxa enxoho aqsok ekmaso apkelane.