Proverbios 19:26 - Biblia Enxet

²⁶ Énxet aptawáseykegkoho nak chá'a apyáp, tén han aptekkesso nak axagkok ma'a egken, cháxa apkelana aqsok segmegqassamo nak, megkapayhawo nak etnehek xama kélketche.

Proverbios 19:26 ပူးပေါင်းရင်းမြစ်များ

Proverbios 10:1

Salomón appeywa: Epeykessásekxak chá'a apwáxok apyáp ma'a kélketche apya'áseykegkoho nak aqsok; éntaxnésseshok eyke chá'a awáxok egken ma'a kélketche ekyeyháxma nak.

Proverbios 10:5

Nennakxo nak aqsok negkeneykekxa m'a ekmakhetmakxal'a, cháxa nenteme negya'áseykegkoho aqsok xa; keñe m'a nenteyenmo nak aqsa m'a ekhem nennakxamakxal'a aqsok negkeneykekxa', cháxa nenteme meyke negmegqakto xa.

Proverbios 17:2

Wesse' chá'a kóltemessásekxak kélásenneykha naqsa apmopwána nak aqsok, apchásenneykha naqsa sa' etnekxak ma'a kélketche ekyeyháxma nak, exkekxak sa' han ma'a aqsok ekpayhawo nak exkekxak ma'a, ektéma nak ma'a pók apkelyáxeg'a nak.

Proverbios 17:25

Ellókasek chá'a awáxok chána m'a kélketche ekyeyháxma nak, ellapwagkassesagkok nahan chá'a.

Proverbios 19:27

Hatte, massék sa' agkok apkelyahákxoho kélnókáseykha, étnakhaksek sa' ma'a kélpaqhetchesso ektaqmela nak.

Proverbios 28:14

Apkeleñémo énxet melwátésseyam nak apteme apcháyo Wesse' egegkok; aqsok ekmaso sa' eyke káhapwak ma'a énxet ekyennaqte nak apwáxok.

Proverbios 28:24

Énxet apmenyexma m'a apkelmenyexchesso nak chá'a aqsok ma'a apyáp tén han ma'a egken, keñe exénmakha chá'a melane mey'assáxma.

Proverbios 28:7

Kélketche apya'áseykegkoho aqsok ma'a apkelyeheykekxoho nak chá'a Dios segánamakxa apagkok. Emegqaksek eyke chá'a apyáp ma'a kélketche appaxqeykha nak chá'a élyeykhágweykmoho nak élmasagcha'a apkeltémakxa'.

Proverbios 30:11

Yetneyk énxet apyemneykha nak chá'a apyáp, metaqmelchesso nak chá'a appeywa elának ma'a egken.

Proverbios 30:17

Énxet apwanyémo nak chá'a elanok apyáp aptawáseykegkoho nak chá'a egken ekwányam, payhawok kalhexyawássesek apaqta'ák ma'a kágqag keñe etwok ma'a máma.