Proverbios 19:23 - Biblia Enxet

²³ Kawegqohok negweynchámeykha m'a nenteme nak chá'a negáyo Wesse' egegkok; kapayhekxak chá'a egwáxok neyseksa negha, méko katnehek xama aqsok ekmaso nenlegeykegkoho.

Proverbios 19:23 ပူးပေါင်းရင်းမြစ်များ

Salmos 103:17

Megkamassegwomek eyke chá'a apkelásekhayo Wesse' egegkok ma'a ektáha nak chá'a apcháyo; megkatnégwomek chá'a néxa aptaqmelchessáseykekxa apheykha apyókxoho m'a aptawán'ák neptámen nak,

Salmos 19:9

Tásek ma'a negáyo nak Wesse' egegkok, megkamassegwomek han. Ekmámnaqsoho agko' nahan ma'a apchánamakxa nak antéhek Wesse' egegkok, kelpéwók ma'a ekyókxoho nak,

Salmos 25:13

egkések chá'a ektaqmalma apha, elmeyásekxak chá'a aptawán'ák neptámen ma'a xapop.

Salmos 85:9

Yahamok chá'a elwagkasek teyp Dios ma'a ektáha nak chá'a apcháyo; keytek sa' chá'a apcheymákpoho s'e negheykegkaxa nak.

Salmos 90:14

Hegyánchessesho negko'o segmésso segásekhayo yókxoho axto'o, ólmeneykmaksek sa' chá'a negko'o yetlo élpayheykekxa egwáxok neyseksók negheykha.

Salmos 91:10

megkáhapweyk sa' xama enxoho aqsok ekmaso, megkaweyk sa' han negmasse m'a apxagkok;

Salmos 91:16

agkések sa' ekwenaqte apha: ¡axekmósek sa' sekteme sekwagkasso teyp!”

Proverbios 10:27

Ahóxek katnehek negha m'a nenteme nak chá'a negáyo Wesse' egegkok, kólyaqwátesseshok eyke chá'a apheykha m'a énxet'ák élmasagcha'a nak apkeltémakxa'.

Proverbios 11:19

Nenlenxányam nak antekkesek aqsok ekpéwomo, agwetak ekyennaqte egnények, keñe m'a nenlenxányam nak antekkesek aqsok ekmaso, agwetak ma'a nétsapma.

Proverbios 12:21

Métyehek sa' ekmaso apha xama enxoho m'a énxet appéwomo nak, keñe sa' ma'a énxet ekmaso nak aptémakxa', káhapwak sa' ekyókxoho ekmaso apha.

Proverbios 19:22

Meyke apyenyaweykha pók kélmenyeyk etnehek ma'a énxet; tásek antéhek meyke aqsok egagkok, kaxnók antéhek negmowána amya'a.

Proverbios 22:4

Hegwetaksohok ekxákma aqsok egagkok ma'a nenteme nak chá'a megkeymáxkoho egwáxok, tén han ma'a nenteme nak negáyo Wesse' egegkok, ekha sẽláyo han antéhek, hegwetaksek han ekwenaqte negweynchámeykha.

Proverbios 3:24

Apkellókassek sa' agkok chá'a apyampe, méko sa' katnehek ektamheykha apwáxok; apyetneyk sa' agkok, tásek sa' chá'a katnehek apteyenma.

Malaquías 4:2

Keñe sa' kéxegke kélteme nak séláyo ko'o, kalyenmok sa' kélnepyeseksa m'a ektémakxa nak ekpéwomo sektémakxa, ektémól'a ekhem éltátchesso, segméssamól'a ekyennaqte egyempehek hẽltátchesek. Kólnextegmakha sa' néten kéxegke kólátsaha, ektémól'a weyke étkók kelennay'a élánteyapmal'a m'a axanák.