Proverbios 19:2 - Biblia Enxet

² Asagkek agmáwhok agko' anlának aqsok meyke nak sekxók élchetámeykha egwáxok; magaqhók chá'a m'a nempekhésa enxoho chá'a.

Proverbios 19:2 ပူးပေါင်းရင်းမြစ်များ

2 Reyes 4:39

Xama axta han apxegak apmahágko yókxexma aptegyáncha'a pánaqte áwa', apwetágwokmek axta xama yámet ketse' émha naxma', apnakxeyk axta m'a ekyexna, máxa axta yám seghéye' émha nak naxma', aptahanchessek axta apchaqlamap. Xama axta apwákxo, apkelyaqtennágkek axta, keñe apxatma m'a kélhanma meyke apya'áseyak xa aqsok nak.

Job 31:5

Naqsók eyke ko'o maláneya aqsok yetlo ekmaso élchetamso ewáxok, maltémók nahan alyexanchesha xama énxet.

Proverbios 1:16

hakte yahamók chá'a elanagkok aqsok ekmaso m'a; ¡yahamók chá'a keytek apkelyógkexma'!

Proverbios 10:21

Apxámok etnehek énxet ekpasmo appeywa m'a énxet appéwomo nak, keñe m'a énxet ekyeyháxma nak, yetsapok aqsa chá'a eñama apteme ekyeyháxma.

Proverbios 14:29

Énxet mepekhésso nak chá'a elwok, cháxa magkenatchesso ekyetna ekyawe apyekpelchémo aqsok; énxet appekhésamap nak, cháxa magkenatchesso apteme ekyeyháxma.

Proverbios 21:5

Tásek katnehek ekteyapma aqsok nentaqmelchessamo nak chá'a sekxók élchetámeykha egwáxok; asagkek eyke katnehek chá'a m'a nentemessáseykha naqsa nak nenlane, meyke aqsok egagkok hentéhek.

Proverbios 25:8

ná epekhaksoho chá'a emyekxak ma'a sẽlyekpelchémókxa nak, hakte emegqeyk katnehek xép apxéna enxoho apteme apmopwána amya'a m'a pók apweteykegkoho, keñe sa' xép mey'asagkehek aptáhakxa natámen.

Proverbios 28:20

Énxet ekpayhémo nak chá'a kóltéhek kéláyo, tásek sa' chá'a katnehek apha; kóllegássesagkohok sa' eyke m'a énxet ekpekhésso nak chá'a etnehek ekxákma aqsok apagkok.

Proverbios 28:22

Kapekhaksek chá'a etnehek ekxákma aqsok apagkok ma'a énxet étsapeykha nak chá'a apnények elanok aqsok, mey'asagkehek peya káhapwak ma'a senteme nak meyke aqsok egagkok.

Proverbios 29:20

Egwanchek makham ampasmok ma'a énxet ekyeyháxma nak, kaxnók ma'a énxet appaqmeyesma nak aqsa chá'a meyke sekxók élchetamso apwáxok.

Eclesiastés 12:9

Neyseksa apyáncháseykegkoho axta apya'áseykegkoho aqsok ma'a Apkeltenneykencha'awo axta chá'a, axta elwátesseykmok han apkelxekmósso énxet'ák ektémakxa nak apyekpelchémo. Kélméssegkek axta han aptamheykha yaqwayam eltámésakpok ekxámokma m'a amya'a segaqhássessamo nak senxeyenma, kéltémók axta han etaqmelcheshok apkeláneykekxa apnaqtáxéséyak.

Eclesiastés 7:9

Ná etne aqsa ekmanyehe elwok, hakte énxet ekyeyháxma apagkok ma'a nenlo nak.

Isaías 27:11

Kalekkexaxchek chá'a aktegák xama yámet ekyawe élyamaka enxoho; keñe chá'a kelán'a kalmok katnehek táxa agkok. Énxet meyke apkelya'áséyak aqsok xa. Ékeso éñamakxa peya sa' megkalepyósek elanok ma'a ektáha axta Apkelane.

Isaías 28:16

Ékeso éñamakxa, aptáha nak appeywa Wesse' egegkok se'e: “Apekkenek sa' ko'o xama meteymog ma'a Sión, meteymog kélyéseykha tén han ektaqmalma agko', yaqwayam sa' katnehek meteymog kélmámenyého kélagko' kólmaha, katnehek sa' ekyennaqtésso tegma apowhak. Énxet apcháyo enxoho xa, méko sa' katnehek apha.

Oseas 4:6

Méko apkelya'áseyak ma'a énxet'ák ahagkok, la'a kélmasséssekmo nak. Keñe exchep apkelmaxnéssesso nak énxet'ák ahagkok, aptaqnagko nak ma'a negya'áseykegkoho, matnéssesek sa' ko'o kaxwók aptamheykha apkelmaxnéssesso énxet'ák ahagkok. Megkaxének sa' ko'o kaxwók ewáxok ma'a aptawán'ák neptámen nak, hakte kelwagqeykmek ma'a nélxekmowásamáxche' ahagkok, ko'o sektáha nak Dios apagkok.