Proverbios 19:19 - Biblia Enxet

¹⁹ Exkak chá'a kéllegassáseykegkoho énxet aplómo apagko' nak chá'a; negmássessekmek agkok yaqwayam kóllegássesagkoho', kayágwomhok aqsa aplo.

Proverbios 19:19 ပူးပေါင်းရင်းမြစ်များ

Job 5:2

Kaqhohok eklo apwáxok ma'a énxet ekyeyháxma nak, kaqhohok han apnathahéyak ma'a mey'áseyak nak aqsok.

Proverbios 19:18

Elyentamakpoho chá'a elxekmósagkok apketche aptáhakxa enxoho makham apketchetse', ná eyeykhássamo aplegassáseykegkoho, yaqhek katnehek.

Proverbios 19:20

Yeyxho chá'a ektáhakxa kélpaqhetchesso, ema chá'a takha' ektáhakxa kélnókáseykha; keñe sa' etnehek ekha apya'áseykegkoho aqsok.

Proverbios 25:28

Énxet megkamopwána nak elanagkohok aptémakxa', máxa m'a aptémól'a tegma apyawe meykel'a kélhaxtegkesso nepyáwa', ekmanyehél'a chá'a elántexek ma'a apmáheyo nak emok.

Proverbios 29:22

Etekkesek chá'a apkelenmexamap ma'a énxet apyennaqteyáseykha nak chá'a apyempehek, xámok han chá'a katnehek megyaqhémo aptáhakxa m'a ekmanyehe nak elwok.