Proverbios 19:12 - Biblia Enxet

¹² Máxa yámakméwa ekpáweykha awáxok la'a etnehek aplawa enxoho m'a wesse' apwányam, máxa eyke yálye élyássessól'a pa'at ma'a ektaqmeleyncha'a enxoho apwáxok henlano'.

Proverbios 19:12 ပူးပေါင်းရင်းမြစ်များ

Génesis 27:28

Dios sa' egkések ekmámeye, tén han ektaqmalma apnakxo ekyexna aqsok apkeneykekxa, apxámokma apagko' hótáhap apaktek tén han anmen yámet égmenek.

2 Samuel 23:4

exhok sa' ma'a ektémól'a katyapok ekhem axto'o, máxa sa' etnehek ma'a ekhem éltátchesso meykel'a yaphope, ektaqmelcháseykekxal'a pa'at natámen ekmámeye.’

Ester 1:12

Axta eyke kalyahákxak wesse' ekwányam Vasti, aptáhakxa appeywa m'a wesse' apwányam apkeltennasso m'a énxet'ák yágkelwán'ák apkelásenneykha axta chá'a. Tén axta aplawa apagko' ma'a wesse' apwányam. Aplókók apagko' axta

Ester 7:8

Xama axta apkexyekmo makham wesse' apwányam apkenyékto m'a kélcheneykekxexa axta pánaqte exnók, aptaxnegwa'akteyk axta makham ma'a kañe' élánéxchexa axta ektámaxche ekyawe, apwetágwa'akteyk axta nahan Amán apkeltekxeya aptapnák nekha taháno ekwenaqte ekpayhókxa axta ekyetnakhámegkaxa ekyetno m'a Ester, tén axta aptáha apcháneya s'e: —¿Xénchek enxeykel'a nahan xép apwáxok etnéssessamhóxma wesse' ekwányam Ester nahaqtók ko'o s'e kañe' exagkok nak? Appenchesók axta aqsa apteme appeywa wesse' apwányam xa ektáha nak, yetlókok axta kélpathetma m'a Amán kélaqlássessek axta nápat. Tén axta xama xa énxet'ák nak apwesey axta Harboná, aptáha s'e: —Penchásexcheyk yámet élwenaqte veintidós metros ma'a Amán apxagkok yetlo ektegyésso néten, apkeltémo axta kóllanaksek yaqwayam kólmakhésha m'a Mardoqueo, cham'a énxet apkeltennasso axta exchep ekmáheyo emátog, wesse'. —¡Kólmakhésha sa' ma'a! — axta aptáhak apkeláneya m'a wesse' apwányam.

Salmos 133:3

Kaxhok ma'a yálye ektéyeykmohol'a egkexe Hermón, tén han ektéyeykmohol'a néten nak egkexe Sión. Cha'a apcháphassamakxa Wesse' egegkok ekwenaqte negweynchámeykha m'a.

Salmos 72:6

¡Máxa ekmámeye sa' etnehek, tén han yálye, ekyássessamól'a xapop, tén han pa'at!

Proverbios 20:2

Máxa yámakméwa ekpáweykha awáxok la'a etnehek aplawa enxoho xama wesse' apwányam; énxet aplókasso enxoho m'a, megkatnehek megyetsapma.

Proverbios 28:15

Énxet ekmaso aptémakxa apteme nak apkemha apmonye' nepyeseksa énxet'ák meyke aqsok apagkok, aphawók ma'a yámakméwa ekyexwéweykhal'a essenhan ma'a aqsok nawhak eklo nak.

Eclesiastés 8:4

Megkatnehek chá'a megkalánamáxche m'a aptáhakxa enxoho chá'a appeywa wesse' apwányam, méko nahan chá'a awanchek kalmaxneyekxohok aqsok apkelane.

Isaías 18:4

Aptáhak seyáneya Wesse' egegkok se'e: “Tásek ko'o sélyeheykha m'a sekhamakxa nak, máxa m'a ektémól'a ekhem éltátchesso ekmexamakxal'a exma, máxa m'a yálye ektéyeykmohol'a ekmexanmakxal'a exma eknakxamáxchexa m'a aqsok ekyexna kélcheneykekxa.

Daniel 5:19

Elyahakxohok axta chá'a apyókxoho énxet'ák, tén han ma'a énxet'ák mók ektémakxa nak chá'a apkelpaqmeyesma, elpexyennók axta chá'a apmonye', eñama m'a ektémakxa axta apmésso ekha apmopwána m'a Dios. Elnápok axta chá'a m'a apmakókxa enxoho chá'a elnápok, melnápek axta chá'a memakókxa enxoho chá'a elnápok, ekha kéláyo axta han chá'a etnéssesek ma'a apmakókxa enxoho chá'a etnéssesek, mékoho axta han chá'a etnéssesek ma'a apmakókxa enxoho chá'a etnéssesek.

Daniel 6:24

Tén axta kélnaqlánto m'a énxet'ák ektáha axta apsexnenagko m'a Daniel, yetlo apnaqteyegka'a, tén han apketchek, eñama axta apkeltémo m'a wesse' apwányam, kélchexénteyk axta kañe' máxek élyáqtamakxa axta yámakméwa; keltahanchek axta han yámakméwa, axta kaxnagwokmohok ma'a kañe' máxek, kelekkexchek axta apexchakkok élyepta.

Oseas 14:5

Máxa yálye apagkok sa' ko'o atnehek ma'a Israel, keñe sa' máxa etnehek ma'a ektémól'a pánaqte exnók éltaqmalmal'a exnók. Kalyeyha'ak sa' katnehek kepmenák, ektéma nak ma'a egkexe Líbano;

Miqueas 5:7

Keñe sa' nepyeseksa apxámokma énxet'ák, apkeleymomap nak ma'a Jacob énxet'ák apagkok, etnahagkok sa' ma'a ektémól'a yálye, apcháphassól'a Wesse' egegkok, tén han ektémól'a ekmámeye ekpálweyktál'a pa'at, melhaxanma nak chá'a apkeltémókxa etnehek ma'a énxet.

Deuteronomio 33:28

Exek sa' chá'a meyke ektamheykha apwáxok ma'a Israel, méko sa' katnehek ektáhakxa apkelweynchámeykha m'a aptawán'ák neptámen nak. Exek sa' hótáhap tén han anmen yámet kélcheneykekxa m'a xapop apagkok nak, megkameykkehek sa' chá'a ekmámeye.