Proverbios 18:22 - Biblia Enxet

²² Negwet'ak agkok entáwa', cháxa ektaqmela xa: cháxa senxekmósa sempasmo m'a Dios.

Proverbios 18:22 ပူးပေါင်းရင်းမြစ်များ

Génesis 2:18

Tén axta Dios Wesse' egegkok aptáha han se'e: “Megkataqmelak exek apxakkók énxet, alanaksek sa' ko'o xama yaqwayam chá'a kapasmok.”

Génesis 24:67

Apyentamákxeyk axta Isaac Rebeca m'a egken Sara axta ekpakxanma; aptáwa' axta aptáhak, awanhók agko' axta han apchásekhayo Isaac ma'a Rebeca. Cháxa ektaqmelchessásekxo axta apwáxok eñama étsapma axta m'a egken.

Génesis 29:28

Apkelyahákxók axta Jacob, keñe axta eksawhéxko ekhem élánamáxche élyamhopma m'a Lía, keñe axta Labán apmésa aptáwa' m'a Raquel.

Proverbios 12:4

Kapeykessásekxak chá'a apwáxok atáwa' m'a kelán'a ektaqmalma nak ektémakxa', kahaxaksek agko' eyke chá'a aptáwa' énxet ekmaso nak ektémakxa'.

Proverbios 19:14

Egyapmeyk chá'a sempekkencháseykekxa m'a enxagkok tén han selyaqye egagkok; Wesse' egegkok akke keñamak chá'a segmésso m'a entáwa' ekmowána nak aqsok.

Proverbios 3:4

tén sa' kalkohok chá'a apwáxok elanok Dios, keñe han ma'a énxet'ák nak.

Proverbios 8:35

Hakte cham'a ektáha nak ko'o séteyeykekxa, cháxa apwetákxo ekyennaqte egnények xa, étak han ektaqmeleykha apwáxok elanok ma'a Wesse' egegkok;

Eclesiastés 9:9

Ná elwátessem chá'a ekpayheykekxa apwáxok xamók ma'a kelán'a apchásekhayókxa nak, neyseksa apweynchámeykha keso náxop, Dios nak apmésso exchep, cham'a apweynchámeykha ekteme nak ekyeyháxma; wánxa sa' aqsa étak xa, neyseksa apchaqhamap aptamheykha keso náxop.

Oseas 12:12

Apkenyegkek axta Jacob apmaheykegko m'a yókxexma Aram. Aptamheykha axta apkeláneykencha'a nepkések ma'a, yaqwayam étak aptáwa'.

Rut 4:10

Kélwetágkok nahan sekmákxo ko'o m'a Rut yaqwayam atnehek etáwa', kelán'a tampe' eñama axta Moab, yaqwayam enxoho keytek aqsa makham apwesey ektáha apagkok xapop ma'a Mahlón, cham'a atáwa' apketsapma axta. Keñe sa' megkamassésaxcheyk apwesey ektáha apagkok Mahlón nepyeseksa m'a apteme apnámakkok, megkalwagqamaxcheyk sa' nahan se'e apchókxa nak. Kéxegke kélteme kélweteykegkoho s'e sakhem nak.