Proverbios 18:10 - Biblia Enxet

¹⁰ Wesse' egegkok apwesey ekteme segmasma ekyennaqte, apkelmeyeykekxexa nak chá'a elyexánegwakxak ma'a énxet'ák apkelpéwomo nak.

Proverbios 18:10 ပူးပေါင်းရင်းမြစ်များ

Génesis 17:1

Apxekmowáseykpók axta Wesse' egegkok Abram, ektéma axta noventa y nueve apyeyam apagkok. Aptáhak axta apcháneya s'e: —Ko'o sekteme Dios ekha sekyennaqte, etne ekpéwomo aptémakxa nahaqtók ko'o.

Génesis 32:11

¡Nágyoho yaqwánxa hetnéssesek ma'a eyapma Esaú! Tamháha ko'o ewáxok hektámegmak keñe elnápok ma'a kelán'ák, tén han sakcha'áletkók nak.

2 Samuel 22:2

Aptáhak axta s'e: “Wesse', xép apteme setaqmelchesso, sekyexánegweykekxexa', semallahanchesso,

2 Samuel 22:3

Dios ahagkok, semasma apyennaqte, seyáhakkásamáxche', sewagkasso teyp apmopwána, xép apteme sekyexanmomakxa netnók agko', tén han sekheykekxexa nak chá'a eyxanmok, xép apteme sewagkasso teyp. ¡Ewagkassegkek teyp nepyeseksa m'a énxet'ák apkelyennaqteyáseykha nak chá'a apyempe'ék!

2 Samuel 22:51

Apméssegkek xép apkelmalláneyak ekxámokma m'a wesse' apwányam ektáha axta apkelyéseykha; yásekhohok chá'a exchep ma'a David, tén han ma'a aptawán'ák neptámen.”

Salmos 144:2

cha'a apteme sekxegexma meheyenyaweykha m'a, sekyexánegweykekxexa', sénátweykekxexa netnók agko', sewagkasso teyp; cha'a apteme seyáhakkásamáxche', semasma m'a; cha'a sélmésso chá'a ko'o énxet'ák yaqwayam atnehek séláneykha.

Salmos 18:2

Xép apteme setaqmelchesso, sekyexánegweykekxexa', semallahanchesso, Dios ahagkok, semasma apyennaqte, seyáhakkásamáxche', sewagkasso teyp apmopwána, xép apteme sekyexanmomakxa netno' agko'.

Salmos 20:2

Sa' yenyeyk yáphássesek xép yaqwayam epasmok ma'a tegma appagkanamap nak Sión.

Salmos 27:1

Wesse' egegkok apteme ko'o sélsássessóxma, tén han sewagkasso teyp, ¿yaqsa aqsok ko'o wé'? Wesse' egegkok apteme semasma, ¿yaqsa awanchek ko'o hégwakkasek?

Salmos 91:14

“Awagkasek sa' chá'a ko'o teyp, ay'aksek sa' chá'a meykexa ektemégweykmoho exma, hakte eyásekhayók ko'o m'a, ey'ásegkok nahan.

Salmos 91:2

etnehek chá'a yának Wesse' egegkok se'e: “Xép apteme sekyexánegweykekxexa', tegma apyennaqte ahagkok, Dios ahagkok seyásenneykekxo nak chá'a.”

Éxodo 6:3

Ekxekmowásamáxkók axta ko'o Abraham, Isaac, tén han ma'a Jacob sekwesey Dios ekha sekyennaqte, axta eyke alya'assáseykegkohok ma'a ektémakxa sekwesey ahagko': WESSE'.

Proverbios 14:26

Nenteme negáyo Wesse' egegkok, cháxa nenteme ekyennaqte magya'ásseyam xa, apkelmasma nak chá'a m'a kélketchek.

Proverbios 29:25

Asagkek ageyk ma'a énxet'ák, yetneyk eyke katnehek apmeyámap ma'a énxet apteme nak apcháyo Wesse' egegkok.

Isaías 26:4

Kólteme chá'a kéláyo m'a Wesse' egegkok, hakte cha'a apteme segmasma apyennaqte memassegwayam ma'a.

Isaías 57:15

Hakte aptáhak appeywa Meyke nak Ekhémo s'e, memassegwayam nak apwesey nak aptaqmalma: “Ekhegkek ko'o m'a netno' nak, ekpagkanamaxchexa nak, ekhegkek eyke nahan nepyeseksa m'a énxet'ák apkelyelqamákpoho nak tén han ma'a apkellegeykegkoho nak ekyentaxno apkelwáxok, yaqwayam enxoho alwasqakkásekxohok chá'a tén han agkeyásekxak chá'a apkelyennaqte.

Isaías 9:6

Hakte apteyekmek xama sakcha'a negyeseksa, Dios segmésso xama apketche, cham'a peya sa' exkak apmopwána yaqwayam etnehek aptaqmelchesso apchókxa. Sa' nahan kólteméssesek apwesey s'e: Eyaqheykha kélwáxok aqsok apkelane, Dios apyennaqte, Egyáp Memassegwayam, Wesse' meyke ektáhakxa negha.

Jeremías 23:6

Méko sa' katnehek apheykha énxet'ák Judá neyseksa apteme wesse' apwányam, méko sa' nahan katnehek ektáhakxa apheykha m'a énxet'ák Israel. Keso yaqwánxa sa' kólteméssesek apwesey s'e: ‘Wesse' egegkok segmallahanchesso.’”

Habacuc 3:19

Hakte Wesse' egegkok segkésso sekyennaqte; egkéssegkek ekyennaqte sekxega, ektémól'a xenaq, éntameykekxeyk ma'a egkexe yaqwánxa sa' awagkasaxchek teyp.

1 Samuel 17:45

Aptáhak axta apchátegmowágkokxo David se'e: —Ey'awak xép yetlo sókwenaqte, sawhéwa tén han héwa, ay'ammok sa' eyke ko'o exchep yetlo Wesse' egegkok ekha apyennaqte apwesey, Dios apagkok nak ma'a Israel sẽlpextétamo apagkok, apkellókáseykegko nak chá'a exchep.

1 Samuel 30:6

Tamháha agko' axta apwáxok ma'a David, hakte apmakók axta yaqhek ma'a sẽlpextétamo apagkok peya elyetnak meteymog, apkellókók apagko' axta apkelwet'a ektáhakxa m'a apketchek. Apwasqakkásekxók axta eyke David ma'a Dios Wesse' apagkok,