Proverbios 18:1 - Biblia Enxet

¹ Apxakkók aqsa chá'a eltamhok etnehek ma'a apkelmeyókásamákpoho nak chá'a aqsok, elwok chá'a m'a kélpaqhetchesa enxoho.

Proverbios 18:1 ပူးပေါင်းရင်းမြစ်များ

Éxodo 33:16

Hakte agkok xeyep hẽlyetláwak, ¿háxko katnehek kólya'asagkohok ekyetnama exchep apkelásekhayo énxet'ák apagkok tén han ko'o xa? Hakte cháxa wánxa kélwanchek kólyekpelkohok énxet'ák apagkok tén han ko'o xa maghémo nepyeseksa m'a apyókxoho énxet'ák nak keso náxop.

Proverbios 14:10

Ya'ásegkók egwáxok ektémakxa nak eklegeykegkoho ekmáske, megkagkések nahan ekpayheykekxa awáxok ma'a megkateykxa nak.

Proverbios 17:14

Máxa yegmen ekyawe ekteyapmal'a katnehek sekxo' enxoho nélátegmoweyxko; tásek eyke agyetnakhak chá'a heykxa amonye' yaqwayam kasógwok.

Proverbios 20:19

Mopwanchek meltennaha m'a énxet apkeltennágwayam nak aqsa chá'a nátegma, ná epaxqaha chá'a m'a énxet'ák apkeltennágwayam nak aqsa chá'a amya'a nátegma.

Proverbios 20:3

Payhawók etnehek énxet melátegmómap chá'a pók, hakte cháxa ektaqmela antéhek xa, apwanchek eyke etekkesek aqsa chá'a m'a ekyeyháxma nak.

Proverbios 24:21

Hatte, etne apcháyo Dios, tén han wesse' apwányam; ná epáxaqwom chá'a m'a apkelenmexeykha nak chá'a,

Proverbios 26:17

Nempáxaqwayam nak éllámaxche', megkatnaha nak sempayhémo, máxa katnehek ma'a ektémól'a ólmések aheyk'ák semheg agya'aksek néten.

Proverbios 3:21

Hatte, etaqmelches apmeykha m'a ektémakxa nak apyekpelchémo aqsok, nágyoho kagketek ma'a ektémakxa nak apmopwána apkeláneykegkoho aptémakxa,

Proverbios 8:14

Kalchetamha chá'a sekxók ko'o ewáxok, keñe keytlawhok chá'a sélane, ko'o sekteme sekyekpelchémo aqsok tén han sekyennaqte.

Jeremías 15:17

Mapaxqeykha chá'a ko'o m'a énxet'ák élxéneykha nak chá'a apkelwáxok wánxa elátsaha; exakkók axta ko'o ekweynchámeykha eyeynamo m'a sekxók axta semoma exchep, hakte aplókassegkek axta ko'o exchep ewáxok.

Zacarías 7:3

tén han etnehek elmaxneyha apkellegasso nak Dios appeywa tén han apkelmaxnéssesso nak Dios énxet'ák apagkok apkeltamheykha nak chá'a Wesse' ekha nak apyennaqte tegma appagkanamap apagkok: “¿Anlanagkoya sa' chá'a sẽllapwámeyak ekwákxo enxoho chá'a cinco pelten yókxoho apyeyam? ¿Mantawagkeheya sa' nahan chá'a nentéyak ekhawo nentamheykegko nak makham se'e kaxwo' nak?”

Deuteronomio 14:6

Kélwanchek kóltók ekyókxoho aqsok nawha'ák ektaqhésseykmoho nak chá'a ayespok ekto, énnayha nak chá'a neyseksa aphék, ánet nak chá'a aphék,