Proverbios 17:7 - Biblia Enxet

⁷ Megkatxók chá'a epaqmétek nempeywa ektaqmela m'a énxet ekyeyháxma nak, megkatxók han etnehek apmopwána amya'a m'a ekha nak chá'a kéláyo.

Proverbios 17:7 ပူးပေါင်းရင်းမြစ်များ

2 Samuel 23:3

Appaqmetchek ma'a Dios apagkok nak Israel; aptáhak seyáneya Apmasma nak chá'a Israel se'e: ‘Énxet apkeláneykha nak chá'a énxet'ák yetlo ekpéwomo aptémakxa', apkeláneykha nak chá'a énxet'ák yetlo apcháyo Dios,

Job 34:12

Naqsók melanyek xama aqsok ekmaso m'a Dios ekha nak Apyennaqte, tén han ma'a aqsok megkapéwomo nak;

Salmos 31:18

Elwanmeyásekxa m'a apkelmopwancha'a amya'a nak, apkelasmésso nak chá'a yetlo apkelwanyeykha m'a énxet'ák meyke nak apkeltémakxa, tén han apkeltaqnagko nak chá'a.

Proverbios 12:19

Megkamassegwomek chá'a m'a amya'a ekmámnaqsoho nak, megkawegqók eyke chá'a m'a amya'a megkamámnaqsoho nak.

Proverbios 12:22

Eltaqnaweygkohok Wesse' egegkok ma'a énxet apteme nak chá'a apkelmopwancha'a amya'a, kalkohok eyke chá'a apwáxok elanok ma'a apkelxeyenma nak chá'a ekmámnaqso'.

Proverbios 19:10

Megkapayhawok etnehek énxet ekyeyháxma m'a aptémakxa nak ma'a énxet ekxákma nak aqsok apagkok, ekyagwánxa agkok megkapayhawok etnehek apkemha apmonye' kélásenneykha naqsa nepyeseksa m'a apkelwesse'e nak.

Proverbios 24:7

Mey'asagkehek chá'a yaqwánxa etnehek appeywa énxet ekyeyháxma aphakmo enxoho m'a sẽlyekpelchémókxa nak, hakte megkeytnók aphakxa m'a negya'áseykegkoho nak aqsok.

Proverbios 26:1

Megkapayhawok etyamok yeyam ma'a ekmexanmakxal'a exma, asagkek han kammék ma'a eknakxamáxchexal'a aqsok ekyexna kélcheneykekxa, megkapayhawok han kólxénmakha ektaqmela m'a énxet ekyeyháxma nak.

Proverbios 26:7

Memhagkek makhawók ma'a énxet élyelqamáxche nak apyay'ák, cháxa ektémakxa han nak han amya'a ektaqmela apmáheyo nak chá'a elxénagkok ma'a énxet ekyeyháxma nak, megkalwegkeypek chá'a.

Proverbios 29:12

Apkemha apmonye' apháxenmo nak chá'a ekmowána amya'a, kawakxohok apteméssesso élmasagcha'a apkeltémakxa m'a apyókxoho apkeláneykha.

Proverbios 6:17

énxet apkeleymákpoho, énxet apkelmopwancha'a amya'a, énxet apkelnapma nak chá'a m'a énxet'ák meyke nak apkeltémakxa',