Proverbios 17:6 - Biblia Enxet

⁶ Aptawán'ák chá'a ekpeykessáseykekxa apkelwáxok ma'a apkelwányam nak; chána eyke chá'a élpeykessáseykekxa apkelwáxok ma'a kélketchek nak.

Proverbios 17:6 ပူးပေါင်းရင်းမြစ်များ

Génesis 48:11

Keñe axta aptáha apcháneya José s'e: —Énagkamchek axta mótekxeyk, Dios han apkeltamhók alwetak se'e apketchek nak.

Génesis 50:23

apkelwetayók axta m'a Efraín aptawán'ák. Apkelwetayók axta han ma'a Maquir axta apketchek, aptawán'ák axta m'a Manasés, hakte apkelqéneykha axta chá'a m'a José.

1 Reyes 11:12

Malanyek sa' eyke s'e kaxwo' apyennákxa nak makham xép, eñama seyásekhayo m'a David, apyáp axta; sa' eyke kólyementemekxak ma'a apketche.

1 Reyes 15:4

Apchásekhayo eyke keñamak Wesse' egegkok ma'a David, apméssama yaqwayam megkaspónhek élsassóxma apagkok ma'a Jerusalén, apteméssessama xama apketche wesse' apwányam apyaqmagkasso, yaqwayam enxoho megkólmasséssemek ma'a Jerusalén;

Éxodo 20:12

“Etne apcháyo apyáp tén han ma'a egken, yaqwayam enxoho kawegqohok apweynchámeykha keso náxop apmésso axta m'a Dios Wesse' apagkok.

Proverbios 13:22

Xámok chá'a katnehek aqsok apnegkencháseykekxa aptawán'ák neptámen ma'a énxet ektaqmalma nak aptémakxa'; keñe m'a aqsok apagkok nak ma'a énxet'ák melya'assáxma, sa' etnekxak apagkok ma'a énxet'ák élpéwomo nak apkeltémakxa.

Proverbios 16:31

Apxawe ekwenaqte apha énxet ma'a ekmópeyo nak chá'a apqátek, eñama meyke aptémakxa'.

Malaquías 1:6

Aptáhak axta Wesse' egegkok ekha apyennaqte apkeláneya apkelmaxnéssesso Dios énxet'ák apagkok se'e: “Eláwhok chá'a apyapmeyk ma'a kélketchek, keñe m'a kélásenneykha nak, etnehek chá'a apkeláyo wesse' apagkok. Naqsók agkok ko'o kélyáp kéxegke, ¿yaqsa ektéma mehéláyo nak chá'a ko'o? Naqsók agkok ko'o sektéma Wesse' kélagkok, ¿yaqsa ektéma mehelyaheykekxoho nak chá'a? Éltaqnagkamchek aqsa chá'a. Kóltemhek aqsa chá'a kólpaqmétek se'e: ‘¿Háxko ektémakxa nentaqnagkama exchep?’