Proverbios 17:3 - Biblia Enxet

³ Kólwatnohok chá'a kóllanok ektémakxa m'a sawo ekyátekto ekmomnáwa, tén han sawo ekmope nak; Wesse' egegkok akke negko'o apkelányo chá'a ektémakxa élchetámeykha egwáxok.

Proverbios 17:3 ပူးပေါင်းရင်းမြစ်များ

1 Crónicas 29:17

Dios ahagkok, ekya'ásegkók ko'o apteme apkelányo chá'a egwáxok, tén han apchásekhayo m'a ekpéwomo nentémakxa. Cháxa keñamak sélmésa nak xép ekyókxoho s'e aqsok nak yetlo eyáxñeyo ewáxok. Payhékxeyk kaxwók ewáxok sekwet'a énxet'ák apagkok apchaqnákxo nak se'e, apkelmésa chá'a aqsok apkelmésso naqsa yetlo melmeyágweykekxa.

Job 23:10

Apya'ásegkok ekyókxoho ektémakxa sekxega ko'o m'a; apkelanawók agkok sektémakxa, étak sa' eyáxña'awo agko' sektémakxa ektémól'a sawo ekyátekto ekmomnáwa.

Job 28:1

Yetneyk kélhexyawassamakxa nak chá'a sawo ekmope ekmomnáwa, tén han kélaxñáseykekxexa nak sawo ekyátekto ekmomnáwa.

Salmos 139:23

Oh Dios, elano sektémakxa ékpelkoho ewáxok; hépkeyn, ey'asagkoho élchetamso ewáxok;

Salmos 26:2

elano ko'o sektémakxa, ¡hékpelkoho! ¡elano ektémakxa nak élchetámeykha ewáxok, tén han ma'a kañók agko' nak ewáxok!

Salmos 66:10

Dios egagkok, apkelányok negko'o exchep nentémakxa yaqwayam ékpelkoho', ¡ẽláxñáseykekxe', máxa enteméssessók ma'a kéltémól'a sawo ekmope kólaxñásekxa'!

Proverbios 15:11

Weykmók apwete Wesse' egegkok ma'a élmaheykegkaxa nak eghagák, ¡ekyágwánxa agkok ma'a ektémakxa nak chá'a élchetámeykha apwáxok énxet!

Proverbios 16:2

Yának chá'a kataqmelak ekyókxoho aqsok apkelanakxa enxoho m'a énxet, Wesse' egegkok eyke apteme apyekpelchémo m'a ektémakxa nak chá'a apwáxok.

Proverbios 17:2

Wesse' chá'a kóltemessásekxak kélásenneykha naqsa apmopwána nak aqsok, apchásenneykha naqsa sa' etnekxak ma'a kélketche ekyeyháxma nak, exkekxak sa' han ma'a aqsok ekpayhawo nak exkekxak ma'a, ektéma nak ma'a pók apkelyáxeg'a nak.

Proverbios 21:2

Yának chá'a kataqmelak ekyókxoho aqsok apkelanakxa enxoho m'a énxet, Wesse' egegkok eyke apteme apyekpelchémo m'a ektémakxa nak chá'a apwáxok.

Proverbios 27:21

Kólwatnohok chá'a kóllanok ektémakxa m'a sawo ekyátekto ekmomnáwa, tén han sawo ekmope nak; keñe énxet kólyekpelkohok chá'a m'a ektémakxa nak ektaqmalma apxénamap.

Isaías 48:10

Ekmopessáseykekxeyk axta apyempehek, háwe eyke m'a kélteméssessamakxal'a sawo ekmope, axta eyke eyaqxegkessók ma'a kañe' ekyetnamakxa nak nenlegeykegkoho ekmáske, ekho nak táxa axagkok.

Jeremías 17:10

Ko'o sélányo chá'a apwáxok énxet, sektáha nak Wesse', tén han sekya'áseykegkoho chá'a m'a kañók agko' nak élchetámeykegkaxa apwáxok; tén han sekméssamól'a chá'a xama m'a ekpayhawo nak chá'a atnéssesek sellegassáseykegkoho, cham'a ektémakxa nak chá'a aqsok apkeláneyak.”

Ezequiel 22:18

“Ekheyásawók ko'o énxet'ák Israel ma'a aqsok ayew'ák megkólmowánal'a kaxwók kólmaha, ekheykegkokxal'a kañe' táxa axagkok natámen kélwatno m'a sawo ekyexwase ekmomhápal'a, tén han ma'a sawo ekpexpope ekmomhápal'a, tén han ma'a sawo ekyentaxnól'a, tén han ma'a yámenmaga aktek essenhan ma'a sawo ekmope élyenmal'a.

Daniel 11:35

Etekyók sa' han nápakha m'a apkelxekmowáseyak axta apnámakkok, yaqwayam enxoho kóllanok aptamhéyak éláxñeyo apkeltémakxa, tén han kólteméssesek éláxñeyo agko' apkeltémakxa, ekwokmoho ektemegwánxa néxa ekxénamaxchexa nak katnehek.

Deuteronomio 8:16

apkeleykegkek axta nahan aqsok ekwesey axta maná m'a yókxexma meykexa nak énxet, nento melwetaya axta m'a kélyapmeyk nano' nak kéxegke, yaqwayam enxoho eweykessásenták ma'a ektémakxa nak kélásennamaxkoho kélagko' tén han elyepkeynek chá'a yaqwayam enxoho natámen kéxegke kólwetak ektaqmalma kélheykha.

Deuteronomio 8:2

Kaxénwakxoho sa' kélwáxok ekyókxoho ámay apkelweynchegkáseykencha'a axta Wesse' kélagkok ekweykmoho cuarenta apyeyam ma'a yókxexma meykexa nak énxet, yaqwayam enxoho eweykessásenták ma'a ektémakxa nak kélásennamaxkoho kélagko' tén han elyepkeynek chá'a, yaqwayam enxoho ékpelkohok ektémakxa élchetamso kélwáxok tén han yaqwayam ey'asagkohok kóllának sa' kexa m'a apkeltémókxa nak chá'a antéhek essenhan megkóllanye'.