Proverbios 17:28 - Biblia Enxet

²⁸ Kawomhok apchánémap apya'áseykegkoho aqsok tén han apmopwána aqsok, apwanmeya enxoho aqsa m'a énxet ekyeyháxma nak, mepaqmeta enxoho.

Proverbios 17:28 ပူးပေါင်းရင်းမြစ်များ

Job 13:5

¡Kélwanmakkek agkok kéxegke, máxa kóltéhek ma'a énxet'ák ekha nak apkelya'áseyak!

Job 32:16

nágyána aqsa ko'óxa awanmégwak se'e, aptamhágko nak xa, hakte méko táhak yaqwánxa etnehek yátegmowagkok.

Proverbios 15:2

Negya'áseykegkoho aqsok chá'a katyapok apkelpeywa m'a énxet'ák apkelya'áseykegkoho nak chá'a aqsok; keñe m'a énxet élyeyháxma nak, amya'a élyeyháxma aqsa chá'a elxénagkok.

Proverbios 18:1

Apxakkók aqsa chá'a eltamhok etnehek ma'a apkelmeyókásamákpoho nak chá'a aqsok, elwok chá'a m'a kélpaqhetchesa enxoho.

Eclesiastés 10:14

¡Énxet ekyeyháxma nak, xámok chá'a katnehek appeywa! ¿Yaqsa awanchek kaxének ma'a yaqwánxa nak katnehek? Méko ekya'ásegkoho m'a egmonye' nak.

Eclesiastés 10:3

Énxet ekyeyháxma nak, exekmóshok chá'a ektáhakxa mékoho m'a élchetamso nak apwáxok elána', elxénmakha eyke chá'a ektáha élyeyháxma m'a pók énxet'ák nak.

Eclesiastés 5:3

hakte xámok agkok élchetamso apwáxok, katsagkassesek apwanmagko, apxámáseykxeyk agkok han appeywa, exénwók ma'a megkapayhawo nak chá'a antéhek.