Proverbios 17:21 - Biblia Enxet

²¹ Negwete nak egketche ekyeyháxma, wánxa aqsa hegmések chá'a eklegeykegkoho egwáxok, negwete nak egketche ekmaso aptémakxa, mehegmések ma'a ekpayheykekxa egwáxok.

Proverbios 17:21 ပူးပေါင်းရင်းမြစ်များ

Génesis 26:34

Apmomchek axta Esaú m'a Judit, ekweykmo axta cuarenta apyeyam apagkok, apketche axta m'a Beerí, apteme axta hitita. Apmomchek axta han ma'a Basemat, apketche axta m'a pók hitita apwesey axta Elón.

2 Samuel 18:33

Teyekmek axta apwáxok wesse' apwányam, apmeyákxeyk axta m'a kañe' apxagkok, apyetnama axta m'a néten átog nentaxnamakxa nak tegma apwányam, keñe apkelekxagweyncha'a. Axta aptáhak chá'a appaqméteyncha'a neyseksa apweynchámeykha: “¡Absalón, hatte! ¡Absalón, hatte! ¡Tásók xeyk la'a ko'o watsapok, keñe exchep megyetsepe'! ¡Hatte, Absalón!”

Proverbios 10:1

Salomón appeywa: Epeykessásekxak chá'a apwáxok apyáp ma'a kélketche apya'áseykegkoho nak aqsok; éntaxnésseshok eyke chá'a awáxok egken ma'a kélketche ekyeyháxma nak.

Proverbios 15:20

Epeykessásekxak chá'a awáxok chána m'a kélketche apya'áseykegkoho nak aqsok; elwanyaha eyke chá'a chána m'a kélketche ekyeyháxma nak.

Proverbios 17:25

Ellókasek chá'a awáxok chána m'a kélketche ekyeyháxma nak, ellapwagkassesagkok nahan chá'a.

Proverbios 19:13

Etwássesha chá'a apwáxok apyáp ma'a kélketche ekyeyháxma. Máxa yegmen eksekkenmal'a katnehek ma'a kelán'a ekyenneykha nak chá'a ekpeywa kalának atáwa'.

1 Samuel 8:3

Axta eyke etnaheykegkok aptémakxa axta apyáp xa apketchek nak. Apmenyeyk axta aqsa exámasagkok aqsok apagkok, emok axta chá'a ekyánmaga yaqwayam mexének ektemegweykmoho exma, axta elánéseykekxak chá'a ekpéwomo agko' amya'a m'a énxet'ák.