Proverbios 17:2 - Biblia Enxet

² Wesse' chá'a kóltemessásekxak kélásenneykha naqsa apmopwána nak aqsok, apchásenneykha naqsa sa' etnekxak ma'a kélketche ekyeyháxma nak, exkekxak sa' han ma'a aqsok ekpayhawo nak exkekxak ma'a, ektéma nak ma'a pók apkelyáxeg'a nak.

Proverbios 17:2 ပူးပေါင်းရင်းမြစ်များ

Proverbios 10:5

Nennakxo nak aqsok negkeneykekxa m'a ekmakhetmakxal'a, cháxa nenteme negya'áseykegkoho aqsok xa; keñe m'a nenteyenmo nak aqsa m'a ekhem nennakxamakxal'a aqsok negkeneykekxa', cháxa nenteme meyke negmegqakto xa.

Proverbios 11:29

Énxet meltaqmelchesso nak ekheykha apxagkok, meyke xama aqsok apagkok sa' katnehek; énxet apya'áseykegkoho aqsok sa' chá'a etnehek apchásenneykha m'a énxet ekyeyháxma nak.

Proverbios 14:35

Yásekhohok chá'a wesse' apwányam ma'a apkeláneykha apmopwána nak aptamheykha, etaqnók eyke chá'a m'a megkamopwána nak aptamheykha.

Proverbios 17:1

Tásek antók nento élyenneykekxa éleymomáxche, tén han anxek meyke ektáhakxa egwáxok, kaxnók anlának chá'a ekxámokma ektámáxche ekyawe tén han ólenmexaxche'.

Proverbios 17:3

Kólwatnohok chá'a kóllanok ektémakxa m'a sawo ekyátekto ekmomnáwa, tén han sawo ekmope nak; Wesse' egegkok akke negko'o apkelányo chá'a ektémakxa élchetámeykha egwáxok.

Proverbios 19:26

Énxet aptawáseykegkoho nak chá'a apyáp, tén han aptekkesso nak axagkok ma'a egken, cháxa apkelana aqsok segmegqassamo nak, megkapayhawo nak etnehek xama kélketche.

Proverbios 29:15

Hegya'assásegwók chá'a exma m'a sẽlyekpexcheteykha nak, tén han sẽlnókáseykha nak, emegqaksek eyke chá'a egken ma'a kélketche kélhayo nak aqsa chá'a aptáhakxa.

Eclesiastés 4:13

Tásek agwetak wokma'ák ekha apya'áseykegkoho aqsok neyseksa apteme eykhe meyke aqsok apagkok, apyeykhásseykmoho nak ma'a wesse' apwányam ekyeyháxma megkamopmenyého nak chá'a kólxekmósagkok.