Proverbios 17:17 - Biblia Enxet

¹⁷ Egmók segápeykha nak chá'a, máxa egyáxeg egagko' etnehek ma'a ekwa'a enxoho ekyentaxno negha.

Proverbios 17:17 ပူးပေါင်းရင်းမြစ်များ

2 Samuel 1:26

“¡Élekxagweykha ko'o ekxeyenma ewáxok xép Jonatán, eyáxeg seyásekhayo! ¡Tásók agko' axta exchep setnéssessamakxa'! Yeykhágweykmók xép seyásekhayo m'a ekweykenxal'a segásekhayo kelán'a.

2 Samuel 15:21

Apchátegmowágkek axta wesse' apwányam ma'a Itai: —Naqsók eyke ko'o ekteméssásak yetlo sekxeyenma apwesey Wesse' egegkok tén han xépxa wesse', amhagkok chá'a m'a apmahágkaxa enxoho chá'a, amallánek essenhan watsapok, sa' axek chá'a ko'óxa xamo' xép ma'a, sektáha nak apkeláneykha.

Ester 4:14

Wanmeyákxeyk sa' agkok se'e kaxwo' nak, megkapaqmeta enxoho xama enxoho, mók nekha sa' kañék apkelwayam teyp ma'a judíos, keñe sa' xe' katsapok ekweykekxoho m'a yáp apnámakkok nak. ¡Temegkek axta exche' wesse' ekwányam yaqwayam hempasmok sentáha enxoho s'e sentáhakxa nak!”

Proverbios 16:28

Etekkesek chá'a apkelenmexamap énxet ma'a ekmaso nak aptémakxa'; nélenmexamaxche han etekkesek ma'a énxet apkeltennágwayam naqsa nak chá'a apmopwána amya'a m'a nátegma.

Proverbios 18:24

Agwethok chá'a énxet ekmanyehe apkelwátesseyam apchásekhayo pók, agwethok eyke han chá'a xama énxet meyenyaweykha nak chá'a pók, megkaxók ma'a ektémakxal'a meyenyaweykha apyáxeg apagko'.

Proverbios 19:13

Etwássesha chá'a apwáxok apyáp ma'a kélketche ekyeyháxma. Máxa yegmen eksekkenmal'a katnehek ma'a kelán'a ekyenneykha nak chá'a ekpeywa kalának atáwa'.

Proverbios 19:7

Aptaqnókek agkok apnámakkok ma'a énxet meyke nak aqsok apagkok, ekyágwánxa agkok melanók ma'a apkelxegexma'a nak.

Rut 1:16

Tén axta Rut ektáha eyátegmowágkokxo s'e: —¡Nágkaltamho aqsa ayenyók xeye', tén han óxpánchesaxche'! Amhagkok sa' chá'a ko'óxa m'a ekmahágkaxa enxoho chá'a, axnamok sa' nahan chá'a m'a ekhámxa enxoho chá'a. Seyókxa sa' nahan atnehek ma'a eyókxa nak, Dios ahagkok sa' nahan atnehek ma'a Dios agkok nak xeye'.

1 Samuel 18:3

Apheyásawók axta han mók apkelpaqhetchásamap Jonatán tén han David, aptáha apxegexma meyke néxa, hakte apchásekhayók apagko' axta Jonatán ma'a David, ekhawo ektémakxa nak apchásekhamakpekxoho apagko'.

1 Samuel 19:2

apkeltennássek axta. Axta aptáhak apcháneya s'e: —Apmakók xép yaqhek ma'a táta Saúl. Katneykha sa' apwáxok axto'ók agko', éxánegwom sa' magwetamaxchexa nak.

1 Samuel 19:3

Axñohok sa' ko'o xamo' táta m'a yókxexma, yaqwánxa sa' éxánegwók xép. Apaqhetchessesek sa' ko'o axének xép, háxko sa' kexaha etnehek, tén sa' altennásekxohok makham.

1 Samuel 20:17

apkelánekxeyk axta eyke makham ekmámnaqsoho apkelpaqhetchásamákpoho m'a Jonatán, hakte apchásekhayók axta, apmenyeyk apagko' axta han, ekhawo ektémakxa nak apchásekhamakpekxoho apagko'.

1 Samuel 23:16

Xama ekhem axta apyo'ókmok Jonatán, Saúl axta apketche m'a David, aphamakxa axta yókxexma Hores, yaqwayam ewasqakkásekxoho tén han énnaqtésseshok mey'ásseyam ma'a Dios.