Proverbios 17:14 - Biblia Enxet

¹⁴ Máxa yegmen ekyawe ekteyapmal'a katnehek sekxo' enxoho nélátegmoweyxko; tásek eyke agyetnakhak chá'a heykxa amonye' yaqwayam kasógwok.

Proverbios 17:14 ပူးပေါင်းရင်းမြစ်များ

2 Samuel 19:41

Keñe axta apyókxoho israelitas apkelyo'ókmo m'a wesse' apwányam, axta aptáhak apcháneya s'e: —¿Yaqsa ektéma apmasma nak chá'a exchep ma'a egnámakkok nak énxet'ák Judá, wesse', appasmoma axta apkelyeykháseykekxo apnámakkok ma'a wátsam Jordán, tén han ma'a apyókxoho sẽlpextétamo apagkok, apxakcha'awók chá'a apmáheyok etnahágkok ma'a?

2 Crónicas 13:17

Apxámok axta han apkelnapma énxet ma'a Abiam yetlo énxet'ák apagkok, apkeletsekkek axta quinientos mil sẽlpextétamo kélyéseykha axta m'a Israel.

2 Crónicas 28:6

Ciento veinte mil énxet'ák Judá axta apkelnapa Pécah xa ekhem nak, Remalías axta apketche, énxet'ák megyeye elmahagkok eyesagkexa axta xa apyókxoho nak, eñama apyámasma m'a Wesse' egegkok, Dios apagkok axta m'a apyapmeyk nano'.

Proverbios 13:10

Nélenmexamaxche aqsa katekkesek ma'a eyeymáxko nak egwáxok, keñe m'a megkaleymáxkoho nak chá'a apkelwáxok, elmok chá'a takha' m'a ektémakxa kélpaqhetcháseykha.

Proverbios 14:29

Énxet mepekhésso nak chá'a elwok, cháxa magkenatchesso ekyetna ekyawe apyekpelchémo aqsok; énxet appekhésamap nak, cháxa magkenatchesso apteme ekyeyháxma.

Proverbios 15:1

Kamasseksohok chá'a aplo egmók ma'a nentaqmelchessamo nak negátegmowéyak; kayágwomhok eyke chá'a aplo m'a nempaqhetchesa enxoho ekyennaqte.

Proverbios 16:32

Tásek etnehek mepekhésso nak elwok énxet, kaxnók etnehek ma'a apyennaqte; tásek yepwának apkeláneykegkoho aptémakxa énxet, kaxnók elmok ma'a tegma apkelyawe nak.

Proverbios 17:19

Atsek chá'a emáwhok elnapakpok ma'a énxet ekmátsa nak chá'a ellókasek apnámakkok; etwasakpohok eyke apagko' chá'a m'a eyeymáxkoho nak chá'a appeywa.

Proverbios 19:11

Ekha élchetámeykha apwáxok chá'a katnésseshok énxet ma'a mepekhésamap nak chá'a elwok, keñe ekha kéláyo chá'a katnéssesek ma'a meyaqmagkáseykekxa nak chá'a mók kélteméssesakxa'.

Proverbios 20:3

Payhawók etnehek énxet melátegmómap chá'a pók, hakte cháxa ektaqmela antéhek xa, apwanchek eyke etekkesek aqsa chá'a m'a ekyeyháxma nak.

Proverbios 25:8

ná epekhaksoho chá'a emyekxak ma'a sẽlyekpelchémókxa nak, hakte emegqeyk katnehek xép apxéna enxoho apteme apmopwána amya'a m'a pók apweteykegkoho, keñe sa' xép mey'asagkehek aptáhakxa natámen.

Proverbios 26:21

Kélmenyeyk chá'a átex yaqwayam kólwatnekxak táxa, kélmenyeyk chá'a yántapák yaqwayam kóláléwaksek táxa, keñe m'a yaqwayam nak chá'a etekkesek éllámaxche', kélmenyeyk ma'a apmopmenyého nak chá'a elnapakpok.

Proverbios 29:22

Etekkesek chá'a apkelenmexamap ma'a énxet apyennaqteyáseykha nak chá'a apyempehek, xámok han chá'a katnehek megyaqhémo aptáhakxa m'a ekmanyehe nak elwok.