Proverbios 16:9 - Biblia Enxet

⁹ Elánekxak chá'a aptáhakxa énxet, Wesse' egegkok eyke chá'a epékessesagkok ma'a apmahágkaxa enxoho.

Proverbios 16:9 ပူးပေါင်းရင်းမြစ်များ

2 Crónicas 22:7

Dios apagko' axta apkeltémo exog Ocozías etnehek meyk'a m'a Joram, yaqwayam enxoho emátog. Xama axta apwákxo m'a, keñe apxega yetlo Joram apyo'ókmo m'a Jehú, Nimsí axta apketche. Dios axta eyke apkelyésáha Jehú yaqwayam emasséssók ma'a Ahab apnámakkok.

Salmos 37:23

Wesse' egegkok eyke apkeláneseyak chá'a ektémakxa apxega énxet, emyók chá'a m'a ekleklamókxa nak apwáxok;

Proverbios 16:1

Énxet chá'a sekxók apkeláneykekxa yaqwánxa elának aqsok; keñe Wesse' egegkok apkeltémo chá'a katyapok.

Proverbios 16:8

Tásek antéhek ántawók aqsok egagkok yetlo meyke nentémakxa', kaxnók agwetak ekxámokma aqsok egagkok yetlo megkapéwomo nentémakxa.

Proverbios 19:21

Xámok chá'a katnehek ekxénakxa apwáxok elának aqsok ma'a énxet, wánxa eyke aqsa chá'a katyapok ma'a apkeltamho enxoho Dios.

Proverbios 20:24

Wesse' egegkok eyke apkeláneséyak chá'a ektémakxa apxega énxet. Méko enxama negya'áseykegkoho chá'a yaqwánxa agmahagkok.

Proverbios 21:1

Wesse' egegkok chá'a apkeláneseykegkoho élchetámeykha apwáxok ma'a wesse' apwányam, étlók chá'a m'a ektémól'a wátsam ekmeyeykekxexal'a chá'a yegmen, apkeltamhókxa enxoho chá'a m'a Wesse' egegkok.

Proverbios 21:30

Mékoho katnekxak nápaqto' Wesse' egegkok ma'a negya'áseykegkoho, tén han negmowána aqsok, keñe han ektaqmalma nak élchetámeykha egwáxok.

Isaías 46:10

Ekxeyenmeyk axta ko'o yaqwánxa katnehek ektemegwánxa néxa m'a sekxók eyeynókxa axta; ekxeyenmeyk axta yaqwánxa katnehek egmonye' m'a sekxók megkatnamakxa axta makham. Axta ektemék ko'o s'e: Kalanaxchek sa' ma'a aqsok sekmáheyo nak alána'; alának sa' ko'o ekyókxoho m'a sekxeyenma nak alána'.

Jeremías 10:23

Wesse', ekya'ásegkók ko'o énxet háwe apagkok ma'a apyennaqte nak, tén han háwe apya'áseykegkoho yaqwánxa katnehek apweynchámeykha.

1 Samuel 9:16

“Saka sa' wáphássesek xama énxet apkeñama yókxexma Benjamín, keso ekwánxa nak ekhem, peya sa' epagkanek xép yaqwayam etnéssesek apkemha apmonye' apkeltaqmelchesso énxet'ák ahagkok Israel. Sa' elmallahanchesek neyseksa apkelma m'a filisteos, hakte apyósekak ko'o sélányo m'a énxet'ák ahagkok, seklegaya sewóneykha apkeltémo apasmok.”