Proverbios 16:8 - Biblia Enxet

⁸ Tásek antéhek ántawók aqsok egagkok yetlo meyke nentémakxa', kaxnók agwetak ekxámokma aqsok egagkok yetlo megkapéwomo nentémakxa.

Proverbios 16:8 ပူးပေါင်းရင်းမြစ်များ

Salmos 37:16

Ántawók eykhe katnehek aqsok apagkok ma'a énxet ektaqmalma nak aptémakxa, tásek eyke, kaxnók ma'a ektémakxa nak ekxámokma aqsok apagkok ma'a énxet'ák élmasagcha'a nak apkeltémakxa.

Proverbios 15:16

Tásek antéhek meyke aqsok egagkok, tén han antéhek negáyo Wesse' egegkok, kaxnók antéhek ekxákma aqsok egagkok, ekyetnamakxa nak ektamheykha egwáxok.

Proverbios 15:17

Tásek antók nento éleñama nak namyep ma'a ekhakxa nak nélásekhamaxkoho, kaxnók antók ápetek ma'a ekhakxa nak nélenmexamaxche'.

Proverbios 16:7

Leyawók agkok apwáxok Wesse' egegkok aptémakxa xama énxet, kawomhok apkelásekhassáseykekxoho m'a apkelenmexma nak.

Proverbios 16:9

Elánekxak chá'a aptáhakxa énxet, Wesse' egegkok eyke chá'a epékessesagkok ma'a apmahágkaxa enxoho.

Proverbios 17:1

Tásek antók nento élyenneykekxa éleymomáxche, tén han anxek meyke ektáhakxa egwáxok, kaxnók anlának chá'a ekxámokma ektámáxche ekyawe tén han ólenmexaxche'.

Proverbios 28:6

Tásek antéhek meyke aqsok egagkok tén han meyke nentémakxa, kaxnók antéhek ekxámokma nak aqsok egagkok, tén han megkapéwomo nak nentémakxa'.

Eclesiastés 4:6

Keñe ko'o sektáha s'e: “Tásek óllókasek ketsék negyampé, megkaxnawok ma'a negyampayo nak, eñama negmáheyo agmagkok éxchahayam.”

Jeremías 17:11

Máxa sénhek apkeltahanwayam la'a aqsa megkatnahakxa appok ma'a énxet apxámasso nak aqsok apagkok eñama apmenyexeykha. Ekyennákxoho apyempehek sa' nahan kamassegwók ma'a ekxámokma aqsok apagkok, keñe sa' natámen etnehek ekyeyháxma.

Miqueas 6:10

Heykegkek aqsok ekxámokma élmenyexamaxche m'a apxanák nak énxet'ák élmasagcha'a apkeltémakxa, tén han ma'a kelyetsáteyak segmenyexmo, sektaqnagkamo nak chá'a ko'o.