Proverbios 16:32 - Biblia Enxet

³² Tásek etnehek mepekhésso nak elwok énxet, kaxnók etnehek ma'a apyennaqte; tásek yepwának apkeláneykegkoho aptémakxa énxet, kaxnók elmok ma'a tegma apkelyawe nak.

Proverbios 16:32 ပူးပေါင်းရင်းမြစ်များ

2 Reyes 5:12

¡Keltásek ma'a wátsam ekhágko nak Damasco, cham'a Abaná tén han Farfar! ¡Kaxnók ma'a ekyókxoho wátsam nak Israel! ¡Táse' nak axta eykhe ayaqpássekxak ma'a keñe ataqmelwók! Aplókók apagko' axta han aptaqháwo.

Salmos 103:8

Wesse' egegkok apteme ektaqmeleykha apwáxok henlano', tén han apmopyósa henlano'; tén han mepekhésamap, awanhek han segásekhayo.

Proverbios 14:29

Énxet mepekhésso nak chá'a elwok, cháxa magkenatchesso ekyetna ekyawe apyekpelchémo aqsok; énxet appekhésamap nak, cháxa magkenatchesso apteme ekyeyháxma.

Proverbios 15:18

Etekkesek chá'a éllámaxche m'a énxet ekmanyehe nak chá'a elwok; emasseksek eyke chá'a m'a énxet mepekhésamap nak chá'a elwok.

Proverbios 16:19

Tásek antéhek megkeymáxkoho egwáxok xamók ma'a énxet'ák meyke nak aqsok apagkok, kaxnók antéhek ekxákma aqsok egagkok xamók ma'a énxet'ák apkeleymákpoho nak.

Proverbios 16:31

Apxawe ekwenaqte apha énxet ma'a ekmópeyo nak chá'a apqátek, eñama meyke aptémakxa'.

Proverbios 16:33

Etwasagkok chá'a xama aqsok énxet, Wesse' egegkok eyke apxeyenma chá'a m'a ekyókxoho yaqwánxa enxoho kaphemmok.

Proverbios 19:11

Ekha élchetámeykha apwáxok chá'a katnésseshok énxet ma'a mepekhésamap nak chá'a elwok, keñe ekha kéláyo chá'a katnéssesek ma'a meyaqmagkáseykekxa nak chá'a mók kélteméssesakxa'.

Proverbios 25:15

Kamasseksohok aplo wesse' m'a mampekhésamaxche nak chá'a ampaqhetchesek; kalekwomhok apwáxok ma'a ektaqmeleykha nak nempeywa anlána'.

Proverbios 25:28

Énxet megkamopwána nak elanagkohok aptémakxa', máxa m'a aptémól'a tegma apyawe meykel'a kélhaxtegkesso nepyáwa', ekmanyehél'a chá'a elántexek ma'a apmáheyo nak emok.

Eclesiastés 7:8

Tásek ampenaksek nenlane aqsok, megkaxnawok ageynekxohok makham nenlane aqsok. Tásek antéhek mampekhésamaxche', megkaxnawok ma'a negyennaqte nak.

Eclesiastés 7:9

Ná etne aqsa ekmanyehe elwok, hakte énxet ekyeyháxma apagkok ma'a nenlo nak.