Proverbios 16:24 - Biblia Enxet

²⁴ Máxa yányawhéna' apyegmenek ma'a ekmátsa nak nempeywa: hegátsessásekxak chá'a egwáxok, hegmeyásekxak han chá'a axnagkok negyennaqte.

Proverbios 16:24 ပူးပေါင်းရင်းမြစ်များ

Salmos 119:103

Atsók agko' ma'a appeywa nak, yeykhásseykmok ektémakxal'a atwok yányawhéna' apyegmenek.

Salmos 19:10

¡kélmenyeyk agko' han, yeykhágweykmók ma'a ektémakxa nak kélmámenyého sawo ekyátekto ekmomnáwa ektaqmalma! ¡atsók agko' han, yeykhágweykmók ma'a ektémakxa nak ekmátsa yányawhéna' apyegmenek!

Proverbios 12:18

Yetneyk énxet apyenheykha nak chá'a appeywa ekmaso pók, ektémól'a elyetxák pók énxet sawo, awanchek eyke hentaqmelchessók appeywa m'a énxet apya'áseykegkoho nak aqsok, ektémól'a pánaqte.

Proverbios 15:23

¡Kalpeykásekxohok chá'a apkelwáxok énxet ekpayhawo enxoho chá'a aqsok nenxeyenma, ekyagwánxa agkok ma'a negaqhawo enxoho kélámenyéxa katnehek!

Proverbios 15:26

Eltaqnawhok Wesse' egegkok ma'a apmáheyo nak chá'a elanagkok aqsok ekmaso, kalkohok eyke chá'a apwáxok ma'a kélpeywa meyke nak ekyepetche xama aqsok ekmaso.

Proverbios 17:22

Pánaqte ektaqmela m'a ekmátsa nak egwáxok, hegyélaqtéshok eyke m'a ekyaqhápeykha egwáxok nak.

Proverbios 23:16

kapayhekxohok agko' sa' ewáxok sekleg'a enxoho exének ma'a ekpayhawo nak antéhek.

Proverbios 27:9

Néltexneymáxche' ekmátsa ekpaqneyam chá'a kapeykásekxak egwáxok; kallókashok chá'a egyempehek ma'a segmésso nak chá'a appeywa ekmátsa m'a egmók.

Proverbios 3:8

¡Cháxa ekteme pánaqte ektaqmela xa yaqwayam keynnaqtések apyókxa'!

Proverbios 4:22

Hakte cháxa ekmésso chá'a élyennaqte apnénya'ák tén han élyennaqte apyempe'ék apyókxoho m'a ektáha nak chá'a apkelweteykekxa'.

Eclesiastés 12:10

Apkelenxáneykmek axta han étekxak ma'a amya'a ekleklamo nak apwáxok énxet, yaqwayam enxoho etaxaksek ektémakxa apweteykekxa aqsok, ekteme nak ekmámnaqsoho.

Cantares 4:11

Sekpagkanma, elpexyewenták chá'a yányawhéna' apyegmenek ma'a átog. ¡Yányawhéna' apyegmenek yetnók ma'a kóneg axkok nak tén han weyke nagkeygmenek! ¡Máxa yókxexma Líbano ekpaqneyam ekmátsal'a apkelpaqneyam ma'a élántaxno nak!

Jeremías 15:16

Epaqhetchessek axta agkok chá'a exchep, ataqmelcheshok axta chá'a ko'o sekháxenmo; hakte cha'a ekteme ko'o sepeykessáseykekxa chá'a ewáxok ma'a, tén han segkésso ekmátsa ewáxok, hakte ko'o apagkok xép Wesse' Dios ekha nak apyennaqte.

Deuteronomio 32:2

“Máxa ekmámeye sa' katnehek kapallenták ma'a nélxekmowásamáxche ahagkok, máxa yálye sa' katnehek ma'a sekpeywa, ektémól'a chawówa kapálwaták ma'a pa'at, ektémól'a kapálwaták yegmen ma'a pa'at ekpayhe.