Proverbios 16:22 - Biblia Enxet

²² Negya'áseykegkoho aqsok ekteme ekteyapmakxa m'a ekyennaqte egnények; nélxekmóssek agkok énxet'ák élyeyháxma nak, élyeyháxma aqsa chá'a etnahagkok.

Proverbios 16:22 ပူးပေါင်းရင်းမြစ်များ

Proverbios 10:11

Hempasmok chá'a hegmések ekyennaqte egnények appeywa m'a énxet appéwomo nak, keñe m'a ekmaso nak aptémakxa, wánxa aqsa keytek apwáxok ma'a apyennaqteyáseykha nak apyempehek.

Proverbios 13:14

Cham'a éñamakxa ekyennaqte egnények ma'a ektémakxa nak chá'a sẽlxekmósso m'a énxet apya'áseykegkoho nak aqsok, segmallahanchessamól'a sẽlpextehetma nétsapma.

Proverbios 14:27

Nenteme negáyo Wesse' egegkok, cháxa éñamakxa m'a ekyennaqte nak egnények, segmallahanchessamól'a sẽlpextehetma nétsapma.

Proverbios 15:2

Negya'áseykegkoho aqsok chá'a katyapok apkelpeywa m'a énxet'ák apkelya'áseykegkoho nak chá'a aqsok; keñe m'a énxet élyeyháxma nak, amya'a élyeyháxma aqsa chá'a elxénagkok.

Proverbios 15:28

Kalchetmok chá'a sekxók apwáxok énxet appéwomo yaqwánxa etnehek yátegmowágkok, keñe m'a énxet ekmaso nak aptémakxa', yahamok chá'a katyapok appeywa ekmaso.

Proverbios 16:21

Apmopwána aqsok chá'a eltamhakpok ma'a énxet élchetámeykha nak chá'a apwáxok, yetlo apya'áseykegkoho aqsok; kalmok nahan chá'a apkelwáxok énxet'ák ma'a nempeywa ekmátsa nak.

Proverbios 16:23

Apwanchek chá'a elanagkohok apya'asakxa appeywa m'a énxet élchetámeykha nak chá'a apwáxok yetlo apya'áseykegkoho, kalmok han chá'a apkelwáxok énxet'ák ma'a aptáhakxa enxoho appeywa.

Proverbios 18:4

Máxa yegmen ekmattawóneg la'a appeywa m'a énxet, máxa wátsam ényél'a yegmen, éñamakxa nak negya'áseykegkoho aqsok.

Proverbios 18:7

Appeywa apagko' chá'a kasexnáneyekxak ma'a énxet ekyeyháxma; kápekxohok agko' chá'a m'a aptáhakxa enxoho appeywa.

Proverbios 3:22

hakte sa' kagkések xép ekwenaqte apha m'a, kalnáxegkesha sa' nahan ektémól'a agkexnek egyespok nennatanma.