Proverbios 16:19 - Biblia Enxet

¹⁹ Tásek antéhek megkeymáxkoho egwáxok xamók ma'a énxet'ák meyke nak aqsok apagkok, kaxnók antéhek ekxákma aqsok egagkok xamók ma'a énxet'ák apkeleymákpoho nak.

Proverbios 16:19 ပူးပေါင်းရင်းမြစ်များ

Salmos 138:6

Netnók eykhe aphakxa m'a Wesse' egegkok, étak eyke chá'a m'a énxet megkeymáxkoho nak apwáxok, makhawók chá'a ékpelkohok ma'a apcheymákpoho nak.

Salmos 34:18

Ketók chá'a exek Wesse' egegkok yaqwayam elwagkasek chá'a teyp ma'a élyentaxno agko' nak chá'a apkelwáxok, tén han ekmassegwayam nak apkelhaxneykha yaqwayam kólpasmok.

Éxodo 15:9

Keñe m'a ektáha axta sẽlenmexma ektáha élchetamso apwáxok se'e: ‘Agmenxenek sa' ekwokmo néltahanyékxo, agmelaskok sa' nahan ma'a aqsok nélyementaméyak enxoho, ekwokmoho élpayhékxo egwáxok. Ólhexyawasagkok sa' sawo élwenaqte egagkok, tén sa' egmék kamasséssók ma'a apyókxoho.’

Proverbios 1:13

Agwetak sa' ekxámokma mók ektémakxa aqsok élmomnáwa egagkok, ¡óllánesagkohok sa' enxanák ma'a ekyókxoho aqsok nélmenyexéyak nak chá'a!

Proverbios 1:14

Émpoho, etne exchep xa nentémakxa nak negko'o, tén sa' óxpánchesaxchek han ma'a aqsok nélmenyexéyak nak.”

Proverbios 25:7

Eyke tásek emhagkok apcháneyákpo enxoho emhagkok ma'a néten apheykegkaxa nak énxet'ák ekyawe kéláyo, kaxnók emegqeyk nápaqta'awók ma'a apkelwesse'e nak. Apwet'ak agkok chá'a ektemegweykmoho exma',

Proverbios 29:23

Kamegqásekxohok chá'a aptémakxa apcheymákpoho m'a énxet eyeymáxkoho nak apwáxok, keñe m'a megkeymáxkoho nak chá'a apwáxok, kéláyo sa' kóltéhek.

Proverbios 3:34

Ey'ássók chá'a Wesse' egegkok ma'a énxet'ák apkelya'ásseykmoho nak chá'a, kataqmalmakha eyke chá'a apwáxok elanok ma'a énxet'ák apkelmopyóseka nak.

Isaías 10:6

Eyáphássek ko'o ektamagkok ma'a apheykegkaxa nak énxet'ák megyáyo nak Dios, xama apheykegkaxa selókassamo nak chá'a ko'o, yaqwayam sa' elmenyexchesagkok tén han elyementamagkok ma'a aqsok apagkok ekxámokma élmomnáwa nak, yaqwayam sa' elteyammaha etnéssesek ma'a ektémól'a ólteyammaha yelpa' m'a ámay.

Isaías 53:12

Cháxa keñamak Dios peya nak exnéssók nepyeseksa m'a énxet'ák ekyawe nak kéláyo, epasmekxak sa' apkelxawéyak aqsok eñama apkelmallane m'a apkelyennaqte nak, hakte apmeyásamákpók apagko' yaqwayam emátog, máxa énxet ekmaso aptémakxa axta kélteméssessók kélpáxaqtesseykmo m'a énxet'ák élmasagcha'a nak apkeltémakxa, apmeykekxeyk melya'assáxma apxámokma apagko' ma'a énxet, apkelmaxnéssáseykegkek nahan chá'a m'a énxet'ák melya'assáxma nak yaqwayam enxoho megkólyaqmagkásekxeyk chá'a m'a apkeltémakxa.

Isaías 57:15

Hakte aptáhak appeywa Meyke nak Ekhémo s'e, memassegwayam nak apwesey nak aptaqmalma: “Ekhegkek ko'o m'a netno' nak, ekpagkanamaxchexa nak, ekhegkek eyke nahan nepyeseksa m'a énxet'ák apkelyelqamákpoho nak tén han ma'a apkellegeykegkoho nak ekyentaxno apkelwáxok, yaqwayam enxoho alwasqakkásekxohok chá'a tén han agkeyásekxak chá'a apkelyennaqte.

Isaías 9:3

Wesse', apsókmek xép ekyawe agko' ekpayheykekxa egwáxok; awanhók agko' ma'a ekpayheykekxa nak egwáxok. Kelpayhekxeyk apkelwáxok apyókxoho énxet nápaqtók xép, máxa aptamhágkok ma'a ektémól'a kanakxaxchek aqsok ekyexna kélcheneykekxa. Máxa aptamhágkok ma'a aptémól'a énxet kalpayhekxak apkelwáxok emlassakpok ma'a aqsok ekxámokma apkelméyak ma'a neyseksa kempakhakma.

Jueces 5:30

‘Aqsok kexa apmelasseykpok apkelma neyseksa kempakhakma. Apmelasseykpek kexa xama essenhan ánet kelán'a chá'a xama kempakhakma yáp; keñe xa Sísara apkelxaka apáwa apkeltaqmalma nak apkeltáxama: xama essenhan apqánet chá'a m'a kélótma nak chá'a ekxámokma aptáxama, yaqwayam kólchexenchesek apyespok ma'a apmallane nak.