Proverbios 16:14 - Biblia Enxet

¹⁴ Aplókek agkok wesse' apwányam, yetneyk katnehek yaqwayam emátog, énxet apya'áseykegkoho aqsok akke aqsa apwanchek emasséssesek aplo.

Proverbios 16:14 ပူးပေါင်းရင်းမြစ်များ

Génesis 40:2

Apkeltaqnaweygkek axta wesse' apwányam faraón xa apqánet apkeláneykha nak, cham'a apkemha apmonye' nak apyátegkesso chá'a m'a apyá, tén han ma'a apkemha apmonye' nak chá'a apkelánesso kelpasmaga apagkok,

Ester 7:7

Aplókók apagko' axta apkempákxo néten Asuero aptepa m'a kañe' élánéxchexa axta ektámaxche ekyawe, apmeyákxeyk axta m'a kélcheneykekxa axta pánaqte exnók tegma apyawe. Xama axta apyekpelcha Amán ekxéna apwáxok wesse' apwányam peya yának ematñekxa', apheyk axta aqsa m'a kañe' ekxéna apwáxok elmaxnak wesse' ekwányam Ester megkánhek ematñekxa'.

Proverbios 15:18

Etekkesek chá'a éllámaxche m'a énxet ekmanyehe nak chá'a elwok; emasseksek eyke chá'a m'a énxet mepekhésamap nak chá'a elwok.

Proverbios 16:13

Elásekhohok chá'a wesse' apkelwányam ma'a énxet'ák apkelpaqméteykha nak chá'a yetlo ekmámnaqso', meyke nak chá'a apkelyexamakpoho, elanok chá'a yetlo ektaqmeleykha apkelwáxok.

Proverbios 16:15

Mematñehek chá'a énxet ekpayheykxoho enxoho apwáxok wesse' apwányam, máxa ekmámeye katnehek hempasmok.

Proverbios 17:11

Apkelámha apmonye'e aqsa chá'a elenmexmakha m'a énxet aptegyeykha nak chá'a ektemegweykmoho exma ekmaso, xama énxet aplo apagko' sa' eyke kóláphássesek ma'a yaqwayam yaqheykha.

Proverbios 19:12

Máxa yámakméwa ekpáweykha awáxok la'a etnehek aplawa enxoho m'a wesse' apwányam, máxa eyke yálye élyássessól'a pa'at ma'a ektaqmeleyncha'a enxoho apwáxok henlano'.

Proverbios 20:2

Máxa yámakméwa ekpáweykha awáxok la'a etnehek aplawa enxoho xama wesse' apwányam; énxet aplókasso enxoho m'a, megkatnehek megyetsapma.

Proverbios 29:26

Apxámok énxet apkeltémo nak kataqmalmakha apwáxok elanok ma'a apkemha apmonye', Wesse' egegkok akke apteme aqsa wánxa aptaqmelchessáseykekxa apheykha énxet'ák.

Proverbios 29:8

Etekkesek chá'a ekyennama exma nepyeseksa tegma apwányam ma'a énxet'ák élyeyháxma nak; apwanchek eyke emasseksek chá'a éltamheykha apkelwáxok énxet'ák ma'a apkelya'áseykegkoho nak chá'a aqsok.

Eclesiastés 10:4

Aptaqnókek agkok xép ma'a aptaqmelchesso nak apchókxa, nágkapekhe apwáxok; mampekhésamaxche' awanchek kamasseksek ma'a aqsok ekyawe nak magaqhémo.

Daniel 2:16

Tén axta Daniel apya'aweykxo m'a wesse' apwányam, apkeltamho egkeyásekxak sekxók makham mók ekhem yaqwayam enxoho epékessásekxak ektémakxa m'a apwanmagko, tén han eltennásekxak ektémakxa.